ମୟୂରଭଞ୍ଜ: ଫନି ରଚିଛି ପ୍ରଳୟ । ଚାରିଆଡେ ବିଭୀଷିକା ଆଉ ବିଭୀଷିକା । ବିଦ୍ୟୁତ ସରବରାହ ବନ୍ଦ ଥିବା ସହ ଗଛ ପଡି ରାସ୍ତାଘାଟ ବନ୍ଦ । ବାତ୍ୟା ପ୍ରଭାବରେ ବ୍ୟାପକ କ୍ଷୟକ୍ଷତି ହେବାସହ ଜିଲ୍ଲାରେ ବିଭିନ୍ନ ସ୍ଥାନରେ ଗଛ ପଡି 4 ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ବାରିପଦା ସହରର ବିଜୁ ପଟ୍ଟନାୟକ ଛକରେ ଗଛ ପଡ଼ି 2 ବାଇକ ଆରୋହୀଙ୍କ ମୃତ ହୋଇଥିବା ଜଣାପଡିଛି । ସେହିପରି ବାରିପଦା ସହର ମୁର୍ଗାବାଡ଼ିରେ ଗଛ ପଡ଼ି ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି ।
ଅନ୍ୟ ଏକ ଘଟଣାରେ ବଡ଼ସାହି ଥାନା ଚାଉଲିଆଷୋଳ ଛକରେ ଏକ ସ୍କର୍ପିଓ ଗାଡ଼ିରେ ଗଛ ପଡିଯିବାରୁ ଡ୍ରାଇଭରଙ୍କ ମୃତ୍ୟୁ ହୋଇଛି । ତେବେ ଗାଡିଟି ମୟୂରଭଞ୍ଜ ସ୍ୱାସ୍ଥ୍ୟ ବିଭାଗ (NRHM DPM) ଙ୍କର ବୋଲି ଜଣାପଡିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
