ରାଇରଙ୍ଗପୁର: ନିର୍ବାଚନର ମହାପର୍ବ ପୂର୍ବରୁଆରମ୍ଭ ହୋଇଯାଇଛି ଦଳ ଅଦଳବଦଳ ପର୍ବ। ଯେଉଁ ରାଜନୈତିକ ଦଳ ଭଲ ପଦବୀ ଯାଚୁଛି କିମ୍ବା ନେତାଙ୍କ ଟିକେଟ୍ କାଟୁଛି ଅନ୍ୟ ଦଳକୁ ଡିଆଁ ମାରୁଛନ୍ତି ଅସନ୍ତୁଷ୍ଟନେତା । ଏହି କ୍ରମରେ ସୋମବାର ମୟୂରଭଞ୍ଜ ଜିଲ୍ଲା କରଞ୍ଜିଆ ବିଧାନସଭା ନିର୍ବାଚନ ମଣ୍ଡଳୀର ୩୪ ଜଣ ବିଜୁ ଯୁବ ବାହିନୀ ସଦସ୍ୟ ଓ ୨୧ ଜଣ ବିଜେଡ଼ି କର୍ମୀ ବିଜେପିରେ ସାମିଲ ହୋଇଛନ୍ତି।
କରଞ୍ଜିଆ ବିଧାନସଭା ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ପଦ୍ମ ଚରଣ ହାଇବୁରୁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବକୁ ଭରସା କରିଛନ୍ତି ଏହି କର୍ମୀ । କରଞ୍ଜିଆ ବ୍ଲକ ଘୋସଦା ପଞ୍ଚାୟତର ସମିତି ସଭ୍ୟାଙ୍କ ସ୍ବାମୀ ନିଜର ୨୧ ଜଣ ସମର୍ଥକଙ୍କ ସହିତ ବିଜେଡ଼ି ଛାଡ଼ି ବିଜେପିରେ ଯୋଗ ଦେଇଛନ୍ତି । ରାଜ୍ୟ ସରକାରଙ୍କ ଶୋଷଣ ଯୁକ୍ତ ଶାସନ ବ୍ୟବସ୍ଥାରେ ଅତିଷ୍ଠ ହୋଇ ଦଳ ତ୍ୟାଗ କରିଥିବା କହିଛନ୍ତି ସୋମାନେ ।
କରଞ୍ଜିଆ ବ୍ଲକର ଚଢେଇଭୋଳ ହାଇସ୍କୁଲ ପଛପଟ ପଡ଼ିଆରେ ଆୟୋଜିତ ହୋଇଥିଲା ଏହି କାର୍ଯ୍ୟକ୍ରମ । ତେବେ ଦଳରେ ଯୋଗ ଦେଇଥିବା ସମସ୍ତ କର୍ମୀଙ୍କୁ ସ୍ବାଗତ କରିଛନ୍ତି କରଞ୍ଜିଆ ନିର୍ବାଚନ ମଣ୍ଡଳୀର ବିଜେପି ପ୍ରାର୍ଥୀ ପଦ୍ମ ଚରଣ ହାଇବୁରୁ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
