ବାରିପଦା: ସହରରେ ଦ୍ବିତୀୟ ନୂଆ କୋର୍ଟ ଉଦଘାଟନ କରାଯାଇଛି । ଏହି ଉଦଘାଟନି ଉତ୍ସହରେ ରାଜ୍ୟ ଉଚ୍ଚନ୍ୟାୟାଳୟର ବିଚାରପତି ଜଷ୍ଟିସ୍ ବିଶ୍ବନାଥ ରଥ ମୁଖ୍ୟ ଅତିଥି ଭାବେ ଯୋଗଦେଇ ନୂତନ କୋର୍ଟକୁ ଉଦଘାଟିତ କରିଛନ୍ତି । ତେବେ ଉଦଘାଟନୀ ଉତ୍ସବରେ ବିଚାରପତିଙ୍କ ସହ ଜିଲ୍ଲାପାଳ ଏସପିଙ୍କ ସହ ବରିଷ୍ଠ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ ।
ମୟୂରଭଞ୍ଜ ଜିଲ୍ଲା ସଦର ମହକୁମା ବାରିପଦା ସିଭିଲ୍ କୋର୍ଟ ପରିସରରେ ଦ୍ବିତୀୟ ନୂଆ କୋର୍ଟ ଉଦଘାଟିତ । ଓଡିଶା ହାଇକୋର୍ଟର ବିଚାରପତି ଜଷ୍ଟିସ୍ ବିଶ୍ବନାଥ ରଥ ଉଦଘାଟନୀ ଉତ୍ସବରେ ଯୋଗଦେଇ ନୂଆ କୋର୍ଟକୁ ଉଦଘାଟନ କରିଛନ୍ତି । ଏହି ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଜଷ୍ଟିସ୍ ବିଶ୍ବନାଥ ରଥଙ୍କ ସହ ମୟୂରଭଞ୍ଜ ଜିଲ୍ଲାପାଳ ଭିନିତ ଭରଦ୍ବାଜ, ଏସପି ପରମାର ସ୍ମିଥ ପୁରୁଷୋତ୍ତମ ଦାସ ଯୋଗ ଦେଇଥିଲେ ।
ଜିଲ୍ଲାବାସୀଙ୍କ ଦୀର୍ଘଦିନ ଅପେକ୍ଷାର ଅନ୍ତ ଘଟିଛି, ଏହି କୋର୍ଟ ନ୍ୟାୟିକ ପ୍ରକ୍ରିୟାକୁ ଅଧିକ କ୍ରିୟାଶୀଳ ଏବଂ ସରଳୀକରଣ କରିବାରେ ସହାୟକ କରିବା ସହ ସହର ନିକଟବର୍ତ୍ତୀ ଅଞ୍ଚଳରେ ଗୋଟିଏ ପରିସର ମଧ୍ୟରେ ସମସ୍ତ ମାମଲାର ବିଚାର ହୋଇପାରିବ ବୋଲି କହିଛନ୍ତି ଆଇନଜୀବୀ ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
