ବାରିପଦା: ମୟୂରଭଞ୍ଜ ଜିଲ୍ଲାରେ ସନ୍ଧ୍ୟାରେ ଘଡଘଡି ସହ ପ୍ରବଳ ବର୍ଷା ପବନ ହୋଇଛି । କିଛିଦିନ ପରେ କଲେଜରେ ଆଡମିଶନ କରିଥାନ୍ତେ । କିନ୍ତୁ ତାହା ପୂର୍ବରୁ ବଜ୍ରପାତରେ ପ୍ରାଣ ହରାଇଲେ ଦଶମ ଶ୍ରେଣୀ ପାସ କରିଥିବା ଛାତ୍ରୀ ।
ଭିଡିଓ ସୌଜନ୍ୟ: ସମ୍ବାଦାଦାତା, ମୟୁରଭଞ୍ଜ
ମୃତ ଛାତ୍ରୀଙ୍କ ନାମ ସିମରନ ଖାତୁନ ହୋଇଥିବା ବେଳେ ସେ ମୋରଡ଼ା ବ୍ଲକ ବଡମୁଣ୍ଢବଣି ଗାଁର ବୋଲି ଜଣାପଡିଛି ।
ସେହିପରି ବଜ୍ରପାତରେ ମୋରଡ଼ା ବ୍ଲକର କାନ୍ଦଣା ଗ୍ରାମରେ ଭାଗବତ ନାୟକଙ୍କ ଚାରି ବଖରା ଘର ପୋଡି ସମ୍ପୂର୍ଣ୍ଣ ସମ୍ପତ୍ତି ନଷ୍ଟ ହୋଇଯାଇଛି । ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିଲେ ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
