ମାଲକାନଗିରି: ଥାନା ସମ୍ମୁଖରେ ଅଭିଯୋଗକାରୀଙ୍କ ହାଇଭୋଲଟେଜ ଡ୍ରାମା । ଅଭିଯୋଗ ପରେ କାର୍ଯ୍ୟାନୁଷ୍ଠାନ ନନେବାରୁ ଆଦର୍ଶ ଥାନା ସମ୍ମୁଖରେ ଶରୀରରେ କିରୋସିନ ଢାଳି ଆତ୍ମହତ୍ୟା ଉଦ୍ୟମ କଲେ ମହିଳା । ମହିଳା ଜଣଙ୍କ ହେଉଛନ୍ତି ଗାଙ୍ଗଲା ପଞ୍ଚାୟତର ମୃତ ଭଗୁ ହନ୍ତାଳର ସ୍ତ୍ରୀ ।
ସୂଚନା ଅନୁଯାୟୀ ଗତ 9 ତାରିଖରେ ଗାଙ୍ଗଲା ପଞ୍ଚାୟତରେ ବାସ କରୁଥିବା ଭଗୁ ହନ୍ତାଳର ଦଶା କାର୍ଯ୍ୟ ଚାଲିଥିଲା । ଏହି ସମୟରେ ମୃତ ଭାଗୁ ହନ୍ତାଳର ଭାଇମାନେ ଭଗୁ ହନ୍ତାଳର ଭାଉଜ ଓ ତାଙ୍କ ସ୍ତ୍ରୀକୁ ମାଡ ମାରିଥିଲେ । ଏନେଇ ପରଦିନ ଥାନାରେ ଉଭୟ ଅଭିଯୋଗ ଆଣିଥିଲେ । କିନ୍ତୁ ଥାନା କର୍ମଚାରୀ ଏ ସମ୍ବନ୍ଧରେ କୌଣସି ପଦକ୍ଷେପ ନନେବାରୁ ମାଲକାନଗିରି ଏସପିଙ୍କ ସହ ମଧ୍ୟ ଯୋଗାଯୋଗ କରିଥିଲେ ।
ଏହାପରେ କିଛି ଥାନା ଅଧିକାରୀ ଗାଙ୍ଗଲା ଯାଇଥିଲେ ସତ କିନ୍ତୁ ମାଡ ମାରିଥିବା ବ୍ୟକ୍ତିଙ୍କ ଘରେ ବସି ପଳାଇ ଆସିଥିଲେ । ତେବେ ସମସ୍ତ ଗ୍ରାମବାସୀଙ୍କ ସମ୍ମୁଖରେ ଦିଅରଙ୍କ ଦ୍ଵାରା ହୋଇଥିବା ଅତ୍ୟାଚାର ଓ ଥାନା କର୍ମଚାରୀ ମାନଙ୍କ ଅବହେଳା ଯୋଗୁଁ ଆଜି ଥାନା ସମ୍ମୁଖରେ ଶରୀରରେ କିରୋସିନ ଢିଳି ଆତ୍ମହତ୍ୟା ଉଦ୍ୟମ କରିଥିଲେ ଅଭିଯୋଗକାରୀ ।
ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ
