ମାଲକାନଗିରି: ଲାଞ୍ଚ ନେଇ ପୁଣି ଭିଜିଲାନ୍ସ ଜାଲରେ ଜଣେ ସରକାରୀ ବାବୁ । ମାଲକାନଗିରି ଜିଲ୍ଲା କାଲିମେଳା ତହସିଲ ମାନ୍ୟମକୋଣ୍ଡା ଗ୍ରାମର ଆରଆଇ ଲକ୍ଷ୍ମୀନାରାୟଣ ଖଣ୍ଡୁଆଳ ।
ଭିଡିଓ ସୌଜନ୍ୟ :ସମ୍ବାଦଦାତା, ମାଲକାନଗିରି
ସୂଚନାନୁଯାୟୀ, ଜଣେ ବ୍ୟକ୍ତିଙ୍କୁ ଜମିର ପଟ୍ଟା କରାଇ ଦେବା ପାଇଁ ଆରଆଇ ଲକ୍ଷ୍ମୀନାରାୟଣ 50 ହଜାର ଟଙ୍କା ଲାଞ୍ଚ ମାଗିଥିଲେ । ବୁଧବାର ରାଜସ୍ବ ନୀରିକ୍ଷକ ଉକ୍ତ ବ୍ୟକ୍ତିଙ୍କ ଠାରୁ ଲାଞ୍ଚ ନେଉଥିବାବେଳେ ମାଲକାନଗିରି ଓ ଜୟପୁର ଭିଜିଲାନ୍ସ ଟିମ୍ଙ୍କ ମିଳିତ ଉଦ୍ୟମରେ ତାଙ୍କୁ ଗିରଫ କରାଯାଇଛି ।
ଗୁରୁବାର ଲକ୍ଷ୍ମୀନାରାୟଣଙ୍କ ନିଜସ୍ବ ସରକାରୀ ଏବଂ ପୈତୃକ ବାସଭବନ ସମେତ ତାଙ୍କ ସମ୍ପର୍କୀୟଙ୍କ ବାସଭବନରେ ଚଢାଉ କରାଯାଇଛି । ଏଥିସହିତ ତାଙ୍କୁ କୋର୍ଟ ଚାଲାଣ କରାଯାଇଥିବା ନେଇ ଭିଜିଲାନ୍ସ ବିଭାଗ ପକ୍ଷରୁ ସୂଚନା ମିଳିଛି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
