ମାଲକାନଗିରି: କାମ କରୁନି ସରକାରଙ୍କ ଯୋଜନା । ଖାଦ୍ୟ ନଖାଇ ଉପାସରେ ଅଧ୍ୟୟନ କରୁଛନ୍ତି ସ୍କୁଲର ଛାତ୍ରୀ । ଓଳିଏ ଖାଇଲେ ରହୁଛନ୍ତି ଓଳିଏ ଉପାସ । ଏଭଳି ସଙ୍ଗୀନ ଅଭିଯୋଗ ଆଣିଛନ୍ତି କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟର ଶତାଧିକ ଛାତ୍ରୀ । ପ୍ରତିବାଦ ସ୍ବରୁପ ରାସ୍ତାରୋକ କରିବା ସହ ଧାରଣା ମଧ୍ୟ ଦେଇଛନ୍ତି ଅନୁଷ୍ଠାନର ଛାତ୍ରୀ ।
ନାୟକ ଗୁଡା ଠାରେ ରହିଛି କସ୍ତୃବା ଗାନ୍ଧୀ ବାଳିକା ବିଦ୍ୟାଳୟ । ବିଗତ ୧୦ ଦିନ ଧରି ଠିକ ଭାବରେ ଖାଇବାକୁ ବିଦ୍ୟାଳୟରେ ଦିଆଯାଉ ନାହିଁ । ଫଳରେ ପ୍ରତିବାଦ କରି ୩୨୬ ନଂ ଜାତୀୟ ରାଜପଥରେ ବସିରହିଛନ୍ତି ଶତାଧିକ ଛାତ୍ରୀ ।
ସୂଚନା ମୁତାବକ ବିଦ୍ୟାଳୟରେ ଗତ ୨ ତାରିଖ ରୁ ଠିକ ଭାବରେ ଖାଇବାକୁ ଦିଆଯାଉ ନାହିଁ । ଏମିତି କି ଗତ ତିନି ଦିନ ଧରି ପ୍ରାୟ ୨୦୦ ଛାତ୍ରୀ ଓଳିଏ ଖାଇଲେ ଆଉ ଓଳିଏ ଉପାସ ରହୁଛନ୍ତି । ଏମିତିକି ଗତ ତିନି ଦିନ ଧରି ମଧ୍ୟାହ୍ନ ଭୋଜନ ମିଳି ନଥିବା କାରଣରୁ ଏହି ପ୍ରତିବାଦ ଜାରି ରଖିଛନ୍ତି ନାୟକଗୁଡା କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟର ଛାତ୍ରୀ ।
ମାଲକାନାଗିରିରୁ ଜୟନ୍ତ ତିଆଡି, ଇଟିଭି ଭାରତ
