ମାଲକାନଗିରି: ଯୁଗ ଯେତେ ଆଗକୁ ବଢିଲେ ବି ଲୋକଙ୍କ ମନରେ ବସା ବାନ୍ଧି ବସିଛି ଗୁଣି ଗାରେଡି ଭୟ । ଏନେଇ ମାଲକାନଗିରିରେ ଜଣେ ବୃଦ୍ଧାଙ୍କୁ ହତ୍ୟା କରାଯାଇଥିବା ଜଣା ପଡିଛି । ମାଲକାନଗିରି ସଦର ମହକୁମା ଥାନା ତମସାପାଲ୍ଲୀ ଗାଁରେ ଉଙ୍ଗା ପଡିଆମୀ ନାମକ ବୃଦ୍ଧ ନିଜ ଘରେ ଶୋଇଥିବା ବେଳେ ତାଙ୍କୁ ପ୍ରଥମେ ଆକ୍ରମଣ କରାଯାଇଥିଲା । ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ସେପଟେ ଖବର ପାଇ ଅଭିଯୁକ୍ତକୁ ଅଟକ ରଖିଛି ମାଲକାନଗିରି ପୋଲିସ ।
ଗତ 6 ମାସ ତଳେ ଗାଁରେ ରାମ ସୋଡି ନାମକ ବ୍ୟକ୍ତିଙ୍କ ପୁଅର ଅଜଣା ରୋଗରେ ମୃତ୍ୟୁ ହେବା ପରେ ଏଥିରେ ଉଙ୍ଗା ଗୁଣି ଗାରେଡି କରିଥିବା ସେ ସନ୍ଦେହ କରିଥିଲେ । ଏନେଇ ଗ୍ରାମ ପଞ୍ଚାୟତରେ ଆଲୋଚନା ମଧ୍ୟ ହୋଇଥିଲା । ହେଲେ ଏଥିରୁ କୌଣସି ସୁଫଳ ନମିଳିବାରୁ ରାଗ ରଖି ସେ ଉଙ୍ଗାଙ୍କୁ ଶୋଇଥିବା ଅବସ୍ଥାରେ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା । ତେବେ ଘଟଣାସ୍ଥଳରେ ହିଁ ଉଙ୍ଗାଙ୍କ ମୃତ୍ୟୁ ହୋଇଥିବା ବେଳେ ଏନେଇ ପରିବାର ଲୋକେ ଥାନାରେ ଏତଲା ଦେଇଥିଲେ । ଖବର ପାଇ ମାଲକାନଗିରି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
