ମାଲାକାନଗିରି: କିଛି ଦିନର ନିରବତା ପରେ ପୁଣି ଥରେ ମାଲକାନଗିରି ଜିଲ୍ଲାରେ ଦେଖିବାକୁ ମିଳିଛି ମାଓବାଦୀଙ୍କ ଅତ୍ୟାଚାରର ଚିତ୍ର । ଖୈରପୁଟ ବ୍ଲକ ଅନ୍ତର୍ଗତ ପୁଜାରିଗୁଡା ଗ୍ରାମର ଜଣେ ବଣ୍ଡା ଯୁବକଙ୍କୁ ମାଓବାଦୀ ପୋଲିସ ଇନଫର୍ମର ସନ୍ଦେହରେ ନକ୍ସଲମାନେ ନିସ୍ତୁକ ମାଡ଼ ମାରି ଗୁରୁତର କରି ଦେଇଛନ୍ତି ।
ସୂଚନା ଅନୁସାରେ ବଣ୍ଡା ଯୁବକ ଘରେ ଶୋଇଥିବାବେଳେ ୧୦ରୁ ୧୫ ଜଣ ମାଓବାଦୀ ଗାଁକୁ ଆସି ତାଙ୍କୁ ଡାକି ନେଇଥିଲେ । ପରେ ଉକ୍ତ ଯୁବକଙ୍କୁ ନିର୍ଧୁମ ପିଟିଛନ୍ତି । ଜଙ୍ଗଲ ଭିତରେ ଯୁବକ ଜଣକ ଅଚେତ ଅବସ୍ଥାରେ ପଡିରହିଥିବାବେଳେ ଗାଁ ଲୋକେ ଉଦ୍ଧାର କରି ଖୈରପୁଟ ପ୍ରାଥମିକ ଚିକିତ୍ସାଳୟକୁ ନେଇଥିଲେ ।
ଅବସ୍ଥା ଗୁରୁତର ହେବାରୁ ଜିଲ୍ଲା ସଦର ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ବର୍ତ୍ତମାନ ମାଲକାନଗିରି ସଦର ଡାକ୍ତରଖାନାରେ ଭାଷ୍କର କିର୍ଷାନୀଙ୍କ ଚିକିତ୍ସା ଚାଲିଛି । ମାଓବାଦୀଙ୍କ ମାଡ଼ରେ ଭାଷ୍କରଙ୍କର ଦେହର ଅନେକ ହାଡ ଭାଙ୍ଗିଯାଇଥିବାବେଳେ ମୁଣ୍ଡରେ ମଧ୍ୟ ଶକ୍ତ ଆଘାତ ଲାଗିଛି । ଆବଶ୍ୟକ ପଡ଼ିଲେ ଅନ୍ୟତ୍ର ସ୍ଥାନାନ୍ତର ହୋଇପାରନ୍ତି।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
