ମାଲକାନଗିରି: ଜିଲ୍ଲାରେ ସୁରକ୍ଷା କର୍ମୀଙ୍କୁ ମିଳିଛି ପୁଣି ଏକ ବଡ ସଫଳତା । ସ୍ବାଭିମାନ ଅଞ୍ଚଳ ଅନ୍ତର୍ଗତ କୁସୁମପୁଟ ଜଙ୍ଗଲ ସହ କାଲିମେଳା ଅଞ୍ଚଳର କିଛି ଜଙ୍ଗଲରୁ ଜବତ ହୋଇଛି ବିପୁଳ ପରିମାଣର ମାଓ ସାମଗ୍ରୀ । ଓଡିଶା ଓ ଆନ୍ଧ୍ର ସୀମାନ୍ତ ଜଙ୍ଗଲରେ କୁମ୍ବିଂ ସମୟରେ ଏହି ସଫଳତା ମିଳିଛି । ଏନେଇ ସୂଚନା ଦେଇଛନ୍ତି ଆଇଜି (ଅପରେସନ) ଅମିତାଭ ଠାକୁର ଓ ବିଏସଏଫ ଆଇଜି ଡିକେ ଶର୍ମା ।
ଓଡିଶା ଓ ଆନ୍ଧ୍ର ସୀମାନ୍ତ ଜଙ୍ଗଲରୁ କୁମ୍ବିଂ ସମୟରେ ବିପୁଳ ପରିମାଣର ମାଓ ସାମଗ୍ରୀ ଜବତ କରାଯାଇଛି । ଏହି ଜବତ ସାମଗ୍ରୀ ଗୁଡିକ ମଧ୍ୟରେ ୨ଟି ୩୦୩ ରାଇଫଲ, ୭ଟି ବନ୍ଧୁକ, ୨ଟି ଟିଫିନ ଆଇଡି, ଇଲେକ୍ଟ୍ରି ତାର, ଗୋଟିଏ ଗ୍ରେନେଡ଼, ଟର୍ଚ୍ଚ ଲାଇଟ ଓ ମାଓ ପୋଷାକ ଭଳି ଅନେକ ମାଓ ସାମଗ୍ରୀ ରହିଛି । ବର୍ତ୍ତମାନ ମଧ୍ୟ ଅନେକ ଅଞ୍ଚଳରେ ଜବାନମାନଙ୍କ ତରଫରୁ କୁମ୍ବିଂ କରାଯାଉଛି । ତେବେ ଯେଉଁମାନେ ମାଓବାଦୀଙ୍କୁ ସାହାଯ୍ୟ କରୁଛନ୍ତି, ସେମାନେ ମାଓବାଦୀଙ୍କ ହାତ ଛାଡି ମୁଖ୍ୟସ୍ରୋତରେ ସାମିଲ ହେବା ପାଇଁ ବିଏସଏଫ ଆଇଜି ଡିକେ ଶର୍ମା ଆହ୍ବାନ ଦେଇଛନ୍ତି ।
ଇଟିଭି ଭାରତ, ମାଲକାନଗିରି
