ମାଲକାନଗିରି: କୋରୋନା ଟୀକା ନେବା ପରେ ଦୃଷ୍ଟିଶକ୍ତି ଫେରି ପାଇଲେ ଯୁବକ । ମାଲକାନଗିରି ଜିଲ୍ଲାର କୁଡୁମୁଲୁଗୁମ୍ମା ଅଞ୍ଚଳରେ ଦେଖିବାକୁ ମିଳିଛି ଏଭଳି ଏକ ଘଟଣା । ଦୃଷ୍ଟି ଶକ୍ତି ଫେରି ପାଇବାକୁ ନାନା ହସ୍ପିଟାଲ ଦ୍ବାରସ୍ଥ ହେଉଥିଲେ କୁଡୁମୁଲୁଗୁମ୍ମା ଅଞ୍ଚଳର ହୃଷିକେଶ ସେଠୀ । ତେବେ ଗତ ମାସରେ କେରୋନା ଟୀକା ନେବା ପରେ ସେ ନିଜର ଦୃଷ୍ଟି ଶକ୍ତି ଫେରି ପାଇଛନ୍ତି ।
ହୃଷିକେଶ ଯୁକ୍ତ ଦୁଇରେ ପଢୁଥିବା ବେଳେ ୨୦୦୧-୦୨ ମସିହାରେ ହରାଇବାକୁ ଲାଗିଥିଲେ । ବହୁ ଡାକ୍ତରଖାନା ବୁଲିବୁଲି ଶେଷରେ ହାଇଦ୍ରାବାଦରେ ଏକ ଘରୋଇ ହସ୍ପିଟାଲରେ ଅପରେସନ କରାଇଥିଲେ । ଏହାପରେ ତାଙ୍କ ବାମ ଆଖି ଦୃଷ୍ଟି ଶକ୍ତି ଫେରି ପାଇଥିଲେ। ତେବେ ଅର୍ଥ ଅଭାବ ଥିବାରୁ ସେ ଡାହଣ ଆଖି ଅପରେସନ କରାଇ ପାରିନଥିଲେ । ସେହି ଦିନରୁ ଡାହାଣ ଆଖିରେ ଦେଖିଲେ ଚାରିଆଡେ କେବଳ କଳା ଦେଖାଯାଉଥିଲା ।
ହୃଷିକେଶଙ୍କ ଡାହାଣ ଆଖି ସଂପୂର୍ଣ୍ଣ ନଷ୍ଟ ହୋଇଯାଇଥିଲା । ୨୦୧୯ ମସିହାରେ ସେ ପୁଣି ହାଇଦ୍ରାବାଦ ଯାଇ ଆଖି ପରୀକ୍ଷା କରାଇଥିଲେ । ଡାକ୍ତର ତୁରନ୍ତ ଅପରେସନ କରାଇବା ପାଇଁ ପରାମର୍ଶ ଦେଇଥିଲେ। ତେବେ ଚାରି ପାଞ୍ଚ ଲକ୍ଷ ଟଙ୍କା ଖର୍ଚ୍ଚ ହେଉଥିବାରୁ ସେ ପୁଣି ଫେରିଆସିଥିଲେ । ଏହାରି ଭିତରେ ସେ ଟଙ୍କା ଯୋଗାଡ଼ କରୁଥିବା ବେଳେ କୋରୋନା ସଂକ୍ରମଣ ଯୋଗୁଁ ଲକଡାଉନ ଘୋଷଣା ହୋଇଥିଲା ।
