ମାଲକାନଗିରି: ଅଜଣା ଗାଡି ଧକ୍କାରେ ଯୁବକ ମୃତ୍ୟୁ । ମାଲକାନଗିରି ଜିଲ୍ଲା ପାକନ୍ନମାଲା ପଞ୍ଚାୟତ ଏମଭି 36 ନିକଟରେ ଏକ ଅଜଣା ଗାଡି ଧକାରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ଜଣେ ଆହତ ହୋଇଛି।
ଅଜଣା ଗାଡି ଧକ୍କାରେ ଯୁବକ ମୃତ୍ୟୁ
ସୂଚନା ଅନୁଯାୟୀ, ଶୁକ୍ରବାର 4ଟା ସମୟରେ ବାଲିମେଳାରୁ ମାଲକାନଗିରି ଆସୁଥିବା ସମୟରେ ଏମଭି 36 ନିକଟରେ ଏକ ବାଇକ ଚାଳକକୁ ଏକ ଟ୍ରକ ସାମନା ପଟୁ ଧକ୍କା ଦେଇଥିଲା। ଘଟଣା ସ୍ଥଳରେ ମିଲନ ବାଗଙ୍କ ମୃତ୍ୟୁ ଘଟିଥିବା ବେଳେ ଯୋଗେଶ ଗୋଲଦାର ନାମକ ବ୍ୟକ୍ତି ଆହତ ହୋଇଛନ୍ତି।
ଖବର ପାଇ ଘଟଣା ସ୍ଥଳରେ ବାଲିମେଳା ଥାନା ଅଧିକାରୀ ପହଞ୍ଚିଥିବା ବେଳେ ଗାଡିଟିର ଡ୍ରାଇଭର ଘଟଣା ସ୍ଥଳରୁ ଫେରାର ଥିବା ଜଣାପଡିଛି । ଏପଟେ ଘଟଣା ସ୍ଥଳରେ 300ରୁ ଉର୍ଦ୍ଧ ଗ୍ରାମବାସୀ ମୃତଦେହ ରଖି ଜାତୀୟ ରାଜପଥ ଅବରୋଧ କରିଥିବା ଜଣାପଡିଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
