ମାଲକାନଗିରି: ସ୍ବାଭିମାନ ଅଞ୍ଚଳର ସ୍କୁଲ ଓ ଅଙ୍ଗନବାଡ଼ିର ସ୍ଥିତି ପରଖିଲେ ଜିଲ୍ଲାପାଳ । ପିଲାଙ୍କ ସହ କଥା ହେଲେ ଆଉ ପାଠ ବି ପଢାଇଲେ । ମାଲକାନଗିରି ଜିଲ୍ଲାପାଳ ଵିଶାଲ ସିଂ ସ୍ବାଭିମାନ ଅଞ୍ଚଳର ଯନ୍ତାପାଇ,ଟୋଟାଗୁଡା,ବିଡ଼ାରିପାକନାଓ ହନ୍ତାଳଗୁଡାକୁ ଗସ୍ତ କରିଥିଲେ ।
କିଭଳି ସ୍କୁଲ ଓ ଅଙ୍ଗନବାଡ଼ିରେ ପାଠପଢା ଚାଲିଛି ତାକୁ ତଦାରଖ କରିଥିଲେ । ଏହାସହ ସ୍କୁଲ ଗୁଡିକର ରୂପରେଖକୁ ପରଖିଥିଲେ । ପିଲାମାନଙ୍କୁ କିଭଳି ଖାଇବାକୁ ଦିଆଯାଉଛି । ଅଙ୍ଗନବାଡ଼ିରେ ପିଲାମାନଙ୍କୁ କିଭଳି ପଢ଼ାଯାଉଛି ସେ ସବୁ ଦେଖିଥିଲେ । କିଛି ସ୍ଥାନରେ ଜିଲ୍ଲାପାଳ ନିଜେ ପିଲା ମାନଙ୍କୁ ପାଠ ମଧ୍ୟ ପଢ଼ାଇଥିଲ । ଜିଲ୍ଲାପାଳଙ୍କ ଏଭଳି କାର୍ଯ୍ୟକୁ ବିଭିନ୍ନ ମହଲରୁ ପ୍ରଶଂସା କରାଯାଇଛି ।
ମାଲକାନଗିରିରୁ ପଞ୍ଚାନନ ଦାସ, ଇଟିଭି ଭାରତ
