ମାଲକାନଗିରି: ଗୁରୁବାର ମାଲକାନଗିରି ଜିଲ୍ଲାକୁ ଗସ୍ତ କରିଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର । ସେଠାରେ ପହଁଞ୍ଚି ସ୍ଥାନୀୟ ଡିଆରଡିଏ ସଭାଗୃହରେ ଉନ୍ନୟନମୂଳକ କାର୍ଯ୍ୟ ଗୁଡିକ ଉପରେ ଜିଲ୍ଲାର ବରିଷ୍ଠ ଅଧିକାରୀଙ୍କ ସହ ଏକ ଗୁରୁତ୍ୱପୂର୍ଣ୍ଣ ବୈଠକ କରିଥିଲେ । ପରେ ସ୍ବାଭିମାନ ଅଞ୍ଚଳର ଉନ୍ନତି ପାଇଁ ମୁଖ୍ୟମନ୍ତ୍ରୀ ସ୍ବତନ୍ତ୍ର ପ୍ୟାକେଜ ଘୋଷଣା କରିବା ପରେ କେତେ ଦୂର କାମ ହୋଇଛି ତା ଉପରେ ବିଭିନ୍ନ ବିଭାଗ ସହ ଆଲୋଚନା କରିଥିଲେ ।
ଜିଲ୍ଲାରେ ପିଇବା ପାଣିର ସମସ୍ୟା ନେଇ ଗଣମାଧ୍ୟମ ପତିନିଧିଙ୍କ ପ୍ରଶ୍ନରେ ଉତ୍ତର ଦେଇ ସେ କହିଥିଲେ ଜିଲ୍ଲାରେ ମାଲକାନଗିରି ସହର ଓ ବାଲିମେଳା ସହର ପାଇଁ ଦୁଇଟି ମେଗା ପାଣି ପ୍ରୋଜେକ୍ଟ ଚାଲିଛି । ଯାହାଫଳରେ ଜିଲ୍ଲାରେ ବହୁତ ଜଲଦି ପାଣି ସମସ୍ୟା ଦୂର ହେବ ବୋଲି ସେ କହିଛନ୍ତି । ମାଲକାନଗିରି ଏଆର୍ ଷ୍ଟ୍ରିପ ନିର୍ମାଣ ଉପରେ ପରେ ସରକାରଙ୍କ ସ୍ବତନ୍ତ୍ର ଦୃଷ୍ଟି ରହିଛି । ତାହା ମଧ୍ୟ 2024 ମସିହା ସୁଧା ସବୁ କାମ ସରିବ ବୋଲି ସେ କହିଛନ୍ତି । ତେବେ ମାଲକାନଗିରି ଠାରେ ହେବାକୁ ଥିବା ଏଆର୍ ଷ୍ଟ୍ରିପ ବୁଲି ଦେଖିଥିଲେ । ଏହାପରେ ସେ ଛତିଶଗଡ଼, ଆନ୍ଧ୍ରପ୍ରଦେଶ ବୋଡର ଏରିଆ ମୋଟୁ ଅଞ୍ଚଳ ପରିଦର୍ଶନ କରି ଭୁବନେଶ୍ଵର ଫେରିଯାଇଥିଲେ ।
ମାଲକାନଗିରିରୁ ପଞ୍ଚାନନ ଦାସ, ଇଟିଭି ଭାରତ
