କାଲିମେଳାରୁ ଆହତ ହେଟାବାଘ ଉଦ୍ଧାର

ମାଲକାନଗିରି ଜିଲ୍ଲା କାଲିମେଳାରୁ ଆହତ ହେଟା ବାଘ ଉଦ୍ଧାର । ବାଘଟିର ମୁଣ୍ଡ ଓ ଅଣ୍ଟାରେ ଗଭୀର ଆଘାତ ଲାଗିଛି । ସ୍ଥାନୀୟ ଲୋକଙ୍କ ସହାୟତାରେ ବନ ବିଭାଗ ଉଦ୍ଧାର କରିଛି ।

ମାଲକାନଗିରି: ଆହତ ହେଟା ବାଘ ଉଦ୍ଧାର । କାଲିମେଳା ସଦର ଠାରୁ ମାତ୍ର 3 ଶହ ମିଟର ଦୂରରେ ଥିବା କାଲିମେଳା ଓ ପଡିଆ ମୁଖ୍ୟରାସ୍ତା କଡରୁ ଏକ ଆହତ ହେଟା ବାଘକୁ ଉଦ୍ଧାର କରିଛନ୍ତି ଲୋକେ । ବାଘର ମୁଣ୍ଡ ଓ ଅଣ୍ଟାରେ ଗଭୀର ଆଘାତ ଲାଗିଛି ।

ବାଘଟିକୁ ଉଦ୍ଧାର ପରେ ଚିକିତ୍ସା ପାଇଁ ପଠାଯାଇଛି । ସୂଚନା ଅନୁଯାୟୀ, ବାଘଟି ରାସ୍ତାରେ ପଡି ରହିଥିବା ଦେଖିବାକୁ ପାଇଥିଲେ ଲୋକେ । ପରେ ସ୍ଥାନୀୟ ଲୋକେ ଓ ବନ ବିଭାଗର ମିଳିତ ଉଦ୍ୟମରେ ଉଦ୍ଧାର କରାଯାଇ ଚିକିତ୍ସା ପାଇଁ ପଠା ଯାଇଛି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ