ମାଲକାନଗିରି: ମାଲକାନଗିରି ପୋଲିସ ପକ୍ଷରୁ ଚୋରା ମଦ କାରବାରକୁ ନେଇ ଚଢ଼ାଉ । ଗଚ୍ଛିତ ବିଦେଶୀ ମଦ ଜବତ, ଜଣେ ଅଟକ ।
ବିଦେଶୀ ମଦ ଜବତ ସହ ଜଣେ ଗିରଫ
ମାଲକାନଗିରି ଜିଲ୍ଲା ସଦର ମହକୁମା ବସଷ୍ଟାଣ୍ଡ ନିକଟରେ ଜଣଙ୍କ ଘରେ ଗଚ୍ଛିତ ଥିବା ବିଦେଶୀ ମଦ ଜବତ କରାଯାଇଛି । ଘଟଣାରୁ ପ୍ରକାଶ ଏବେ ଲକଡାଉନ ଚାଲିଥିବାରୁ ମଦ ଦୋକାନ ଗୁଡିକ ବନ୍ଦ ରହିଛି । ବର୍ତ୍ତମାନ ମଦ ଅନଲାଇନରେ ମିଳୁଥିବା ବେଳେ କିଛି ଅସାଧୁ ବ୍ୟବସାୟୀ ଚୋରା କାରବାରରେ ମାତି ଚଢାଦାମରେ ବିକ୍ରି କରୁଥିବା ଖବର ଆସୁଥିଲା ।
ବିଶ୍ୱସ୍ତ ସୂତ୍ରରୁ ଖବର ପାଇ ମାଲକାନଗିରି ପୋଲିସ ଆଜି ଚଢ଼ାଉ କରି 20 ଲିଟରରୁ ଊର୍ଦ୍ଧ୍ବ ବିଦେଶୀ ମଦ ଜବତ କରିବା ସହ ଜଣଙ୍କୁ ଅଟକ ରଖିଛି । ଏହି ଚଢ଼ାଉ ସମୟରେ ମାଲକାନଗିରି ଥାନା ଆଇଆଇସି ରାମ ପ୍ରସାଦ ନାଗଙ୍କ ସହ ଅନ୍ୟ ପୋଲିସ କର୍ମଚାରୀମାନେ ଉପସ୍ଥିତ ଥିଲେ ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
