ମାଲକାନଗିରି: ହାଇକୋର୍ଟଙ୍କ ନିର୍ଦ୍ଦେଶ ପରେ ଭଙ୍ଗାଗଲା ଘର । ଆଉ କ୍ଷତିଗ୍ରସ୍ତ ପରିବାର ଏବେ ବ୍ଲକ କାର୍ଯ୍ୟାଳୟ ସମ୍ମୁଖରେ ଦେଇଛନ୍ତି ଧାରଣା । କାଲିମେଳା ପଞ୍ଚାୟତ ଅନ୍ତର୍ଗତ ଏମଭି ୯୦ ଗାଁର ଅମଲ ସାହାଙ୍କ ଜମି ଉପରେ ସେହି ଗାଁର 4 ପରିବାର ବସବାସ କରୁଥିଲେ। ତେବେ ଅମଲ 4 ପରିବାରକୁ ବାରମ୍ବାର ସ୍ଥାନ ଖାଲି କରିବା ପାଇଁ କହିଥିଲେ ମଧ୍ୟ କୌଣସି ସୁଫଳ ମିଳି ନ ଥିଲା । ଶେଷରେ ସେ ନିରୁପାୟ ହୋଇ ହାଇକୋର୍ଟଙ୍କ ଦ୍ବାରସ୍ତ ହୋଇଥିଲେ ।
ହାଇକୋର୍ଟଙ୍କ ନିର୍ଦ୍ଦେଶରେ ଭଙ୍ଗାଗଲା ଘର, ବେସାହାରା ହେଲେ 4 ପରିବାର
ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ ଦଖଲ ହୋଇଥିବା ଜମିକୁ ନିଜ ଅଧିନକୁ ଆଣିଥିଲେ । କୋର୍ଟଙ୍କ ନିର୍ଦ୍ଦେଶ ବଳରେ ଜବରଦଖଲରେ ହୋଇଥିବା ଘର ଗୁଡିକୁ ସ୍ଥାନୀୟ ତହସିଲଦାର, କାଲିମେଳା ପୁଲିସ ଡ୍ରୋଜର ଲଗାଇ ଭାଙ୍ଗିଦେଇଥିଲେ ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
