ମାଲକାନଗିରି: ଲାଲଗଡ଼ରେ ସମର ସଜା । ସ୍ବାଭିମାନ ଅଞ୍ଚଳ ଆକାଶରେ ପଇଁତରା ମାରୁଛି ବାୟୁ ସେନାର ଲଢୁଆ ବିମାନ । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ଗୁରାସେତୁ ଆକାଶ ମାର୍ଗରୁ ସୁରକ୍ଷା ଯାଞ୍ଚ କରୁଛି ବାୟୁସେନା ହେଲିକପ୍ଟର ।
ଲାଲଗଡ ବାୟୁସେନାର ଲଢୁଆ ବିମାନ, ବିଏସଏଫ୍ କ୍ୟାମ୍ପ ଉପରେ ଆକାଶ ମାର୍ଗରୁ ନଜର
ଶନିବାର ହଠାତ୍ 2ଟି ବିମାନ ସ୍ୱାଭିମାନ ଅଞ୍ଚଳ ଆକାଶରେ ଚକର କାଟିଥିଲା । ଏହା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ ସ୍ଥାନୀୟ ଲୋକେ । ଗୋଟିଏ ହେଲିକପ୍ଟର ଗୁରାସେତୁ ବିଏସଏଫ କ୍ୟାମ୍ପରେ ଅବତରଣ କରିଥିବା ବେଳେ ଅନ୍ୟଟି ଜଙ୍ଗଲ ଉପରେ ପଇଁତରା ମାରିଥିଲା । ସେପଟେ ବାୟୁସେନାର ଲଢୁଆ ବିମାନ ଦେଖି ଯବାନଙ୍କ ମନୋବଳ ଦୃଢ ହୋଇଥିବା ବେଳେ ମାଓ ଦମନ କ୍ଷେତ୍ରରେ ନୂଆ ରଣନୀତି ପ୍ରସ୍ତୁତ ହେଉଥିବା ଚର୍ଚ୍ଚା ଚାଲିଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
