ମାଲକାନଗିରି: ମାଲକାନଗିରି ଏସପିଙ୍କ ନିକଟରେ ଜଣେ ହାର୍ଡକୋର ମାଓବାଦୀର ଆତ୍ମସମର୍ପଣ । ସରକାରଙ୍କ ଉନ୍ନୟନ କାର୍ଯ୍ୟରେ ପ୍ରଭାବିତ ହୋଇ ମାଓବାଦୀ କମୁଲୁ ବେଟି ଆତ୍ମସମର୍ପଣ କରିଥିବା ଜଣାପଡିଛି । ତେବେ କୁମୁଲକୁ ଧରିବା ଲାଗି 5 ଲକ୍ଷ ଟଙ୍କା ଘୋଷଣା କରାଯାଇଥିଲା ।
ମାଲକାନଗିରିରେ ମାଓବାଦୀର ଆତ୍ମସମର୍ପଣ
କମୁଲୁ ବେଟି ଛତିଶଗଡର ଦରଭା ମାଓ ସଙ୍ଗଠନର ଜଣେ ସକ୍ରିୟ ସଦସ୍ୟ ରହିଥିଲା । ସେ କାଙ୍ଗିରିଘାଟି ଏରିଆ କମିଟି ମାଓ ସଙ୍ଗଠନର ଏସିଏମ ଭାବେ କାମ କରୁଥିଲା ।
କମୁଲୁ ଉଭୟ ଓଡିଶା ଓ ଛତିଶଗଡରେ ଶତାଧିକ ମାଓ ହିଂସାକାଣ୍ଡରେ ସାମିଲ ଥିଲା । ଏପରିକି ମାଲକାନଗିରିରେ 8ରୁ ଅଧିକ ମାଓ ହିଂସାକାଣ୍ଡରେ ସେ ମାଷ୍ଟରମାଇଣ୍ଡ ଥିଲା ।
ଏହାସହ ଅନେକ ଲୋକଙ୍କୁ ପୋଲିସ ଇନଫର୍ମର ନାଁରେ ହତ୍ୟା, ପୋଲିସ ସହ ଗୁଳିବିନିମୟରେ ମଧ୍ୟ ସେ ସାମିଲ ଥିଲା । କମୁଲୁ ବେଟି 2007 ମସିହାରେ ଛତିଶଗଡର କଟେକଲ୍ୟାଣ ମାଓ ସଙ୍ଗଠନରେ ସାମିଲ ହୋଇଥିଲା ।
