ମାଲକାନଗିରି: ସ୍କୁଲ ହଷ୍ଟେଲରୁ ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର । ମାଲକାନଗିରି ଜିଲ୍ଲାର କାଲିମେଳା ବ୍ଳକ ଅନ୍ତର୍ଗତ ମୋଟୁସ୍ଥିତ ମଧୁସୂଦନ ଉଚ୍ଚ ବିଦ୍ୟାଳୟର ହଷ୍ଟେଲରୁ ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ତେବେ ମୃତ ଛାତ୍ରୀ ନବମ ଶ୍ରେଣୀର ପୂଜା କଂଜ ବୋଲି ଜଣାପଡିଛି ।
ଏହା ମଧ୍ୟ ପଢନ୍ତୁ - ଗଛରୁ ଝୁଲନ୍ତା ମୃତଦେହ ଉଦ୍ଧାର, ମୋବାଇଲରେ ଲେଖା ହୋଇଛି ମୃତ୍ୟୁର କାରଣ
ସୂଚନା ମୁତାବକ, ଗିନିପାଲୀ ଗ୍ରାମର ଦୁଲା କଂଜଙ୍କ ଝିଅ ପୂଜା କଂଜ ମଧୁସୂଦନ ଉଚ୍ଚ ବିଦ୍ୟାଳୟର ନବମ ଶ୍ରେଣୀର ଛାତ୍ରୀ ଥିଲେ । ସେ ଗରିବ ଓ ଅନୂସୂଚିତ ଜନଜାତି ସଂପ୍ରଦାୟର ହୋଇଥିବାବେଳେ ସ୍କୁଲ ହଷ୍ଟେଲରେ ରହି ପାଠ ପଢୁଥିଲା। ହେଲେ ଗତକାଲି ସେ କୌଣସି କାରଣରୁ ସ୍କୁଲ ହଷ୍ଟେଲ ଭିତରେ ଜୀବନ ହାରିଥିବା ଜଣାପଡିଛି । ଏନେଇ ଖବର ପାଇ ମୋଟୁ ପୋଲିସ ସ୍କୁଲରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିବାବେଳେ ଏହି ଘଟଣାରେ ସ୍କୁଲ କର୍ତ୍ତୃପକ୍ଷ ଏବେ ସନ୍ଦେହ ଘେରରେ ରହିଛନ୍ତି ।
ଏହା ମଧ୍ୟ ପଢନ୍ତୁ - ଇଞ୍ଜିନିୟରିଂ କଲେଜ ହଷ୍ଟେଲରୁ ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର, ପରିବାରର ହତ୍ୟା ଅଭିଯୋଗ
ତେବେ ମାଲକାନଗିରିର ଛତିଶଗଡ଼ ଓ ଆନ୍ଧ୍ର ସୀମାନ୍ତରେ ରହିଛି ଏହି ସ୍କୁଲଟି। ଏଠାରେ ଶତାଧିକ ଛାତ୍ରଛାତ୍ରୀ ବିଭିନ୍ନ ଅଞ୍ଚଳରୁ ଆସି ପାଠ ପଢୁଥିବାବେଳେ ଜଣେ ଛାତ୍ରୀ ହଷ୍ଟେଲ ପରିସର ମଧ୍ୟରେ କାହିଁକି ଓ କେଉଁ ପରିସ୍ଥିତିରେ ଏଭଳି ପଦକ୍ଷେପ ନେଲେ ତାହାର ଉଚିତ ତଦନ୍ତ କରାଗଲେ ପ୍ରକୃତ ଘଟଣା ଲୋକଲୋଚକୁ ଆସିବ ବୋଲି ଦାବି ହୋଇଛି । ଅନ୍ୟପଟେ ଏହି ଘଟଣାକୁ ନେଇ ମାଲକାନଗିରି ଏସ୍ଡିପିଓ କହିଛନ୍ତି, "ଘଟଣା ଘଟିଥିବା ହଷ୍ଟେଲ ଗୃହକୁ ବନ୍ଦ କରାଯାଇ ସେଠାରେ ପୋଲିସ୍ କର୍ମୀ ମୁତୟନ ପକ୍ଷରୁ ଜଗାଯାଇଛି । ମାଲକାନଗିରି ଜିଲ୍ଲାରେ ସାଇଣ୍ଟିଫିକ୍ ଟିମ୍ ନାହାନ୍ତି । ତେଣୁ ରାୟଗଡ଼ା ଜିଲ୍ଲାରୁ ସାଇଣ୍ଟିଫିକ୍ ଟିମ୍ ଆସି ମୋଟୁଠାରେ ଆଜି ସାଇଣ୍ଟିଫିକ ଟିମ୍ ପହଞ୍ଚି ତଦନ୍ତ ଆରମ୍ଭ କରାଯିବ ।" ଅପରପକ୍ଷରେ କାଲିମେଳା ବ୍ଲକ ସମାଜମଙ୍ଗଳ ଅଧିକାରୀ ଘଟଣାସ୍ଥଳରେ ପହଞ୍ଚି ପ୍ରଧାନଶିକ୍ଷକ ଓ ଅନ୍ୟମାନଙ୍କୁ ପଚାରି ବୁଝି ଜିଲ୍ଲା ସମାଜମଙ୍ଗଳ ଅଧିକାରୀଙ୍କୁ ସୂଚନା ଦେଇଛନ୍ତି ।
ଇଟିଭି ଭାରତ, ମାଲକାନଗିରି
