ବଦଳୁଛି ସ୍ବାଭିମାନ ଅଞ୍ଚଳର ଚିତ୍ର: ଥିଲେ ମାଓବାଦୀ, ଏବେ କରିବେ ଲୋକସେବା

ଦିନେ ତାଙ୍କ ବନ୍ଧୁକ ଗର୍ଜୁଥିଲା । ବନ୍ଧୁକ ମୁନରେ କୋକୁଆ ଭୟ ସୃଷ୍ଟି କରୁଥିଲେ । ଯେଉଁ ହାତ ଦିନେ ବନ୍ଧୁକ ଉଠାଉଥିଲା ସେ ଆଜି କଲମ ଧରିବ । ଲୋକସେବାରେ ନିଜକୁ ନିୟୋଜିତ କରିବ । ମାଓବାଦୀରୁ ରାଜନେତା ପାଲଟିଥିବା ଶୁକଦେବଙ୍କ ପରିବର୍ତ୍ତନ କାହାଣୀକୁ ନେଇ ଆମର ଏହି ରିପୋର୍ଟ । ମାଓନେତାରୁ ରାଜନେତା ।

ମାଲକାନଗିରି: ବଦଳୁଛି ସ୍ବାଭିମାନ ଅଞ୍ଚଳର ଚିତ୍ର । ବନ୍ଧୁକ ଛାଡି ଆତ୍ମ ସମର୍ପଣ କରୁଛନ୍ତି ମାଓନେତା । ଦିନେ ମାଓନେତା ଥିଲେ ଏବେ ସମବାୟ ବ୍ୟାଙ୍କ ଶାଖା ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି । ଶୁକଦେବଙ୍କ ଏହି ପରିବର୍ତ୍ତନକୁ ବେଶ ପ୍ରଶଂସା କରିଛନ୍ତି ସ୍ଥାନୀୟ ଟେକଗୁଡ଼ା ବାସିନ୍ଦା ଓ ବୁଦ୍ଧିଜୀବୀ ।

ସୂଚନାଅନୁସାରେ, ବିଗତ 15ର ବର୍ଷ ହେବ ମାଓ ସଂଗଠନରେ ଡିସିଏମ୍ କ୍ୟାଡର ଭାବେ କାମ କରୁଥିଲେ ଶୁକଦେବ। ଦିନ ଥିଲା ତାଙ୍କ ନାଁ ଶୁଣିଲେ ସ୍ଥାନୀୟ ଲୋକଙ୍କ ଠାରୁ ଆରମ୍ଭ କରି ପ୍ରଶାସନ ଅଧିକାରୀଙ୍କ ମଧ୍ୟରେ ଛନକା ପଶୁଥିଲା । ପରେ ୨୦୧୬ ଜୁନ ୨୨ରେ ସମାଜ ମୁଖ୍ୟ ସ୍ରୋତକୁ ଫେରିବା ପାଇଁ ଏସପିଙ୍କ କାର୍ଯ୍ୟାଳୟରେ ପତ୍ନୀଙ୍କ ସହ ଆତ୍ମସମର୍ପଣ କରିଥିଲେ । ତେବେ ଗତକାଲି(ବୁଧବାର) କାଲିମେଳା ସମବାୟ ବ୍ୟାଙ୍କ ଶାଖା ଅଧକ୍ଷ ଭାବେ ନିଦ୍ବନ୍ଦରେ ନିର୍ବାଚିତ ହୋଇଛନ୍ତି ଶୁକଦେବ । ଗରିବ ଚାଷୀ ମୁଲିଆଙ୍କ ସୁଖଦୁଃଖର ସେବା କରିବା ପାଇଁ ମାଓ ସଂଗଠନ ଛାଡିଥିଲେ ଶୁକଦେବ । ଏହି ନିର୍ବାଚନ ଲାଗି ସମବାୟ ବ୍ୟାଙ୍କର ଚୂଡ଼ାନ୍ତ ପ୍ରାର୍ଥୀଙ୍କ ମଧ୍ୟରେ କେହି ବିପକ୍ଷ ପ୍ରତିଦ୍ଵନ୍ଦୀ ନଥିବାରୁ15 ଜଣ ଅନକଣ୍ଟେଷ୍ଟରେ ନିର୍ବାଚିତ ହୋଇଛନ୍ତି ।

ସେହିଭଳି ବ୍ୟାଙ୍କ ଅଧ୍ୟକ୍ଷ ଲାଗି ମଧ୍ୟ କେହି ପାର୍ଥୀପତ୍ର ଦାଖଲ କରିନଥିଲେ କେବଳ ଶୁକଦେବ ହିଁ ଅଧ୍ୟକ୍ଷ ଲାଗି ପାର୍ଥୀପତ୍ର ଦାଖଲ କରିବାର ପରେ ସେ ନିଦ୍ବନ୍ଦରେ ଅଧ୍ୟକ୍ଷ ହୋଇଛନ୍ତି । ସେ ଅଧ୍ୟକ୍ଷ ହେବାପରେ ପୂର୍ବତନ ବ୍ଲକ ଅଧ୍ୟକ୍ଷ ଏବଂ ସୋସାଇଟି ସଦସ୍ୟଙ୍କୁ ଧନ୍ୟବାଦ ଜଣାଇଛନ୍ତି । ଶୁକଦେବଙ୍କ ଏହି ପରିବର୍ତ୍ତନକୁ ବେଶ ପ୍ରଶଂସା କରିଛନ୍ତି ଟେକଗୁଡ଼ାବାସୀ ଓ ବୁଦ୍ଧିଜୀବୀ । ଶୁକଦେବ ଜଣେ ଡିସିଏମ୍ କ୍ୟାଡର୍ ମାଓନେତା ହୋଇବି ସରକାରଙ୍କ ଆତ୍ମସମର୍ପଣ ନୀତି ଆପଣେଇ ମୁଖ୍ୟସ୍ରୋତରେ ସାମିଲ୍ ହୋଇ ଲୋକଙ୍କ ସେବାପାଇଁ ରାଜନେତାର ପରିଚୟ ପାଇଛନ୍ତି । ଏହାକୁ ନେଇ ମାଲକାନଗିରି ଆଡିସନାଲ ଏସପି ଖୁସିବ୍ୟକ୍ତ କରିଛନ୍ତି ।

ଇଟିଭି ଭାରତ, ମାଲକାନଗିରି