ମାଲକାନଗିରି: ବର୍ଷବର୍ଷ ହେଲା ଖତ ଖାଉଥିଲା କେସିସି ବ୍ୟାଙ୍କର ଭ୍ରାମ୍ୟମାଣ ଶାଖା ଗାଡି । ଲୋକଙ୍କ ସୁବିଧା ପାଇଁ 2016 ରେ ଜିଲ୍ଲାକୁ ଆସିଥିବା ଏହି ଗାଡି ଅଚଳ ହୋଇ ବ୍ୟାଙ୍କ ସମ୍ମୁଖରେ ପଡ଼ି ରହିଥିଲା । ଏନେଇ 'ଇଟିଭି ଭାରତ'ରେ ଗତ ଏପ୍ରିଲ୍ ୨୦ ତରିଖରେ ଖବର ପ୍ରସାରିତ ହୋଇଥିଲା। ଯାହାର ପ୍ରଭାବ ଏବେ ଦେଖିବାକୁ ମିଳିଛି। ଖବର ପ୍ରସାରଣ ପରେ ତୁରନ୍ତ ପଦକ୍ଷେପ ନେଇଛନ୍ତି କୋରାପୁଟ ଜିଲ୍ଲା କେସିସି ବ୍ୟାଙ୍କ ମୁଖ୍ୟ ସମ୍ପାଦକ । ସେ ନ୍ୟୁଜ ଦେଖିବା ପରେ ମାଲକାନଗିରି କେସିସି ବ୍ୟାଙ୍କ ପରିସରରେ ଥିବା ଭ୍ରାମ୍ୟମାଣ ଶାଖା ଗାଡି (ମୋବାଇଲ ଏଟିଏମ ଭେନ୍) ଟିକୁ ଜୟପୁର ମରାମତି ନିମନ୍ତେ ପଠାଇବାକୁ ଶାଖା ପରିଚାଳକଙ୍କୁ ନିର୍ଦ୍ଦେଶ ଦେଇଥିଲେ ।
ପରେ ଶାଖା ପରିଚାଳକ ମୋବାଇଲ ଏଟିଏମ୍ ଗାଡିଟିକୁ 2ଦିନ ଜୟପୁରୁ ମରାମତି ନିମନ୍ତ ପଠାଇଛନ୍ତି । ତେବେ ଏନେଇ ମାଲକାନଗିରି ବୁଦ୍ଧିଜୀବୀ ଦୁର୍ଗାପ୍ରସାଦ ତ୍ରିପାଠୀ ଇଟିଭି ଭାରତକୁ ଧନ୍ୟବାଦ ଦେଇଛନ୍ତି। ଗାଡି ମରାମତି ନିମନ୍ତେ ଯିବା ପରେ ମାଲକାନଗିରି କେସିସି ବ୍ୟାଙ୍କ ଶାଖାର ଡାଟା ଅପେରେଟରଙ୍କୁ ପଚାରିବାରୁ ସେ କହିଛନ୍ତି ଯେ ଗାଡିରେ ଭିସେଟ୍ ଓ ଓଭିସେଟ୍ ଲଗାଇବା ପାଇଁ ଜୟପୁର ନେବା ପାଇଁ ସମ୍ପାଦକ ନିର୍ଦ୍ଦେଶ ଦେବା ପରେ ଗାଡି ମରାମତି ପାଇଁ ଯାଇଛି।
ନୁର୍ ପଞ୍ଚାୟତ, ମାଥିଲି ବ୍ଲକର ମହୁପଦର, ଟେମୁରୁପାଲ୍ଲି ପଞ୍ଚାୟତ, କୋରକୁଣ୍ଡା ବ୍ଲକର ନାକାମାମୁଡି ପଞ୍ଚାୟତ ଓ ଖଇରପୁଟ ବ୍ଲକର ବଣ୍ଡାଘାଟି ଅଞ୍ଚଳରେ ଥିବା ଗାଁ ଗୁଡିକରେ ଏହି ସୁବିଧା ଦେବାପାଇଁ 2016 ମସିହାରେ ଏହି ବସ ମାଲକାଗିରି ଜିଲ୍ଲାରେ ପହଞ୍ଚିଥିଲା । ଏହି ବସ୍ ପହଞ୍ଚିବା ପରେ ଭ୍ରାମ୍ୟମାଣ କେସିସି ATM ଶାଖାର କିଛି ଷ୍ଟାଫ୍ ଚିତ୍ରକୋଣ୍ଡା ବ୍ଲକକୁ ଯାଇ ସେବା ଯୋଗାଇ ଦେବା ପାଇଁ ପହଞ୍ଚିଥିଲେ । କିନ୍ତୁ ଇଣ୍ଟରନେଟର ବ୍ୟବସ୍ଥା ନ ଥିବାରୁ ସେବା ଯୋଗାଇବାରେ ଅସମର୍ଥ ଥିଲା ଏହି ମୋବାଇଲ ATM ଭ୍ୟାନ । ଫଳରେ ସେହିଦିନ ଠାରୁ ଏହି ବସ୍ ମାଲକାନଗିରି ଜିଲ୍ଲାର କେସିସି ବ୍ୟାଙ୍କ ମୁଖ୍ୟ କାର୍ଯ୍ୟାଳୟ ଆଗରେ ପଡି ରହି ଖତ ଖାଉଥିଲା । କେସିସି ବ୍ୟାଙ୍କ ପକ୍ଷରୁ ଉପଭୋକ୍ତାଙ୍କ ସୁବିଧା ପାଇଁ କରାଯାଇଥିବା ମୋବାଇଲ୍ ATM ଗାଡିରେ ଇଣ୍ଟରନେଟ ବ୍ୟବସ୍ଥା ହୋଇ ପାରି ନ ଥିବାରୁ ଗାଡ଼ିଟି ଜିଲ୍ଲା ମୁଖ୍ୟାଳୟରେ ପଡି ଖତ ଖାଉଥିଲା ।
ଇଟିଭି ଭାରତ, ମାଲକାନଗିରି
