ମାଲକାନଗିରି: ସ୍ଥଳଭାଗ ଛୁଇଁ ନାହିଁ ବାତ୍ୟା ‘ଫନି’ କିନ୍ତୁ ମାଲକାନଗିରି ଜିଲ୍ଲାରେ ଦେଖାଦେଇଛି ଏହାର ପ୍ରଭାବ । ବୁଧବାର ଦୁଇ ପ୍ରହରରୁ ଜିଲ୍ଲାରେ ମେଘୁଆ ପାଗ ରହିବା ସହ ବିଭିନ୍ନ ସ୍ଥାନରେ ସାମନ୍ୟ ବର୍ଷା ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ଜିଲ୍ଲାର ଖଇରପୁଟ ବ୍ଲକର କାଲାପାଲ୍ଲୀ ଗ୍ରାମରେ ପବନ ବହିବା ସହ ସାମାନ୍ୟ କ୍ଷୟକ୍ଷତି କରିଛି । ଗ୍ରାମର ଚନ୍ଦ୍ର ମହୁରିଆ ନାମକ ବ୍ୟକ୍ତିଙ୍କ ଘର ଉପରେ ପବନ ଯୋଗୁଁ ଏକ ତେନ୍ତୁଳି ଗଛ ପଡି ତାଙ୍କ ଘରଟି ସମ୍ପୂର୍ଣ୍ଣ ଭାବେ ଭାଙ୍ଗି ଯାଇଛି । ଏହାସହ ଚନ୍ଦ୍ରଙ୍କ ପତ୍ନୀଙ୍କ ମୁଣ୍ଡରେ ଟାଇଲ ପଡିବାରୁ ସେ ଆହତ ହୋଇଛନ୍ତି । ଘର ନିକଟରେ ଥିବା ଗୁହାଳଟି ସମ୍ପୂର୍ଣ୍ଣ ଭାବେ ଭାଙ୍ଗି ଯିବାରୁ ଏକ ଛେଳିର ମଧ୍ୟ ମୃତ୍ୟୁ ହୋଇଛି।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
