ମାଲକାନଗିରି: ଜିଲ୍ଲା ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳରେ ଗୁରୁବାର 218 ଜଣ ସ୍ବାସ୍ଥ୍ୟକର୍ମୀଙ୍କୁ ଦିଆଯାଇଥିଲା କୋରୋନା ଟିକା । ତେବେ ଟିକା ନେବାର ଛଅ ଘଣ୍ଟା ପରେ ଜଣେ ଅଙ୍ଗନଓ୍ବାଡି ଦିଦିଙ୍କ ଶରୀରରେ ପାର୍ଶ୍ବ ପ୍ରତିକ୍ରିୟା ଦେଖିବାକୁ ମିଳିଛି । କର୍ମୀ ଜଣଙ୍କ ପଦ୍ମିନୀ କିଞ୍ଚଇ ଏବଂ ସେ ଭୀମରାମ ଅଙ୍ଗନଓ୍ବାଡି କେନ୍ଦ୍ରରେ କାର୍ଯ୍ୟରତ ଅଟନ୍ତି ।
କର୍ମୀ ଜଣକ ଯେତେବେଳେ ପାର୍ଶ୍ବ ପ୍ରତିକ୍ରିୟା ଅନୁଭବ କଲେ, ଚିତ୍ରକୋଣ୍ଡା ମେଡିକାଲ ଟିମ୍ ତାଙ୍କର ତୁରନ୍ତ ଚିକିତ୍ସା ଆରମ୍ଭ କରିଥିଲେ ଏବଂ ସାଲାଇନ ଦେଇଥିଲେ । ତେବେ ବର୍ତ୍ତମାନ ସେ ସୁସ୍ଥ ଥିବା ଜଣାପଡିଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
