ମାଲକାନଗିରି: ଆବାସିକ ବିଦ୍ୟାଳୟର ନବମ ଶ୍ରେଣୀ ଛାତ୍ରୀ ଗର୍ଭବତୀ । ଏଭଳି ସଙ୍ଗୀନ ଅଭିଯୋଗ ଆସିଛି ମାଲକାନଗିରି ଜିଲ୍ଲାରୁ । ନବରଙ୍ଗପୁର ଆବାସିକ ବିଦ୍ୟାଳୟରେ ପଢୁଥିବା ନାବାଳିକା ଗର୍ଭବତୀ ହୋଇଥିବା ଅଭିଯୋଗ କରିଛନ୍ତି ପରିବାରଲୋକେ । ଖବର ପାଇ ଶିଶୁ ମଙ୍ଗଳ ଅଧିକାରୀ ପହଞ୍ଚି ନାବାଳିକାକୁ କାଉନସିଲିଂ ପାଇଁ ମେଡିକାଲରେ ଭର୍ତ୍ତି କରିଛନ୍ତି ।
ସୂଚନା ଅନୁସାରେ, କୁଡୁମୁଲୁଗୁମ୍ମା ଅଞ୍ଚଳର ଜଣେ ଆଦିବାସୀ ଝିଅ ନବରଙ୍ଗପୁର ତାରାଗାଁ ଆବାସିକ ବାଳିକା ବିଦ୍ୟାଳୟରେ 9ମ ଶ୍ରେଣୀରେ ପାଠ ପଢୁଥିଲେ । ସେ ଗର୍ଭବତୀ ହୋଇଥିବା ଜାଣିବା ପରେ ବିଦ୍ୟାଳୟର କର୍ତ୍ତୃପକ୍ଷ ନାବାଳିକାକୁ ଘରକୁ ପଠାଇ ଦେଇଥିଲେ ।
ଘରକୁ ଆସିବା ପରେ ଝିଅ ଗର୍ଭବତୀ ହୋଇଥିବା ଜାଣି ଗାଁଲୋକେ ସଭା ଡକାଇଥିଲେ । ଏହି ଘଟଣା ଚାଇଲ୍ଡ ଲାଇନ କର୍ତ୍ତୃପକ୍ଷ ଜାଣି ନାବାଳିକାକୁ ମାଲକାନଗିରି ସଦର ଚିକିତ୍ସାଳୟରେ ଥିବା ସଖି କେନ୍ଦ୍ରକୁ ପଠାଇ ତଦନ୍ତ ଆରମ୍ଭ କରିଛନ୍ତି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
