ଚିତ୍ରକୋଣ୍ଡାରେ ଡଙ୍ଗା ବୁଡି ଦୁଇ ମହିଳାଙ୍କ ସହ ଜଣେ ଶିଶୁ ନିଖୋଜ

ମାଲକାନିଗିରି ଚିତ୍ରକୋଣ୍ଡାରେ ଡଙ୍ଗା ବୁଡି ୩ ନିଖୋଜ ହୋଇଥିବା ସୂଚନା । ଅଧିକ ପଢନ୍ତୁ...

ମାଲକାନଗିରି: ମାଲକାନିଗିରି ଚିତ୍ରକୋଣ୍ଡାରେ ଅଭାବନୀୟ ଘଟଣା । ଡଙ୍ଗା ବୁଡି ୩ ନିଖୋଜ ହୋଇଥିବା ସୂଚନା । ଅଣ୍ଡ୍ରାପାଲି ପଞ୍ଚାୟତ ଓରାପଦର ଘାଟରେ ଘଟିଛି ଏହି ଅଘଟଣ । ନିଖୋଜଙ୍କ ମଧ୍ୟରେ ଦୁଇ ମହିଳା ଓ ଜଣେ ବର୍ଷକର ଶିଶୁ ଥିବା ଜଣାପଡିଛି ।

ସୂଚନା ଅନୁଯାୟୀ, ଡଙ୍ଗାଟି ଓରାପଦରରୁ ଦାମୋଦର ବେଡାକୁ ଫେରୁଥିବା ବେଳେ ହଠାତ୍ ବୁଡିଯାଇଥିଲା । ଡଙ୍ଗାରେ ମୋଟ ୧୧ ଜଣ ଯାତ୍ରା କରୁଥିବା ବେଳେ 8 ଜଣଙ୍କୁ ଉଦ୍ଧାର କରାଯାଇଛି । ହେଲେ ଏବେବି ୩ ଜଣଙ୍କ କୌଣସି ପତ୍ତା ମିଳିପାରିନାହିଁ। ଘଟଣା ସ୍ଥଳରେ ପୋଲିସ ଓ ଅଗ୍ନିଶମ ବିଭାଗ ଉପସ୍ଥିତ ରହିଛନ୍ତି ।

ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ