ମାଲକାନଗିରି: ବଜ୍ରାଘାତରେ ୧୭ ଗୋରୁଙ୍କ ମୃତ୍ୟୁ । କାଲିମେଳା ବ୍ଲକ ଅନ୍ତର୍ଗତ ତେଲେରାଇ ଗ୍ରାମ ପଞ୍ଚାୟତ ଅନ୍ତର୍ଗତ ଦୁର୍ଗମ ଅଞ୍ଚଳ ସୁଦ୍ଧାଖୁଣ୍ଟା ଗ୍ରାମରେ ଘଟିଛି ଏପରି ଅଭାବନୀୟ ଘଟଣା । ବଜ୍ରାଘାତରେ ଗାଈ, ବଳଦ,ବାଛୁରୀ ମିଶି ୧୭ ଗୋରୁ ପ୍ରାଣ ହରାଇଥିବାବେଳେ ଗାଈ ଚୋରାଇବାକୁ ଯାଇଥିବା ୩ ଭାଇ ଭଉଣୀ ଅଳ୍ପକେ ବର୍ତ୍ତିଯାଇଛନ୍ତି ।
ବଜ୍ରଘାତରେ ୧୭ ଗାଇ ମୃତ, ଅଳ୍ପକେ ବର୍ତିଲେ ୩ ଗାଈ ଚରାଳି
ବଜ୍ରାଘାତର ଦୀର୍ଘ ଅଧ ଘଣ୍ଟାଏ ପରେ ଚେତାଶୁନ୍ୟ ହୋଇ ପଡିଥିବା ଗାଇ ଚରାଳି ମାନେ ଘରକୁ ଫେରି ଘଟଣା ସମ୍ପର୍କରେ ପରିବାରକୁ ଜଣାଇଥିଲେ । ପରେ ଗ୍ରାମବାସୀ ପହଞ୍ଚି ୧୭ ଗୋରୁଙ୍କ ମୃତଦେହ ପଡିଥିବା ଦେଖିବାକୁ ପାଇଥିବା ବେଳେ ଅନ୍ୟ ୪ ଗୋରୁ ଏପର୍ଯ୍ୟନ୍ତ ନିଖୋଜ ଥିବା ଜଣାପଡିଛି ।
ପ୍ରତିବର୍ଷ ଏଇ ଗାଈ ବଳଦଙ୍କୁ ନେଇ ଗରିବ ଆଦିବାସୀମାନେ ଚାଷକାମ କରିଥାନ୍ତି। ବଜ୍ରପାତ ଯୋଗୁଁ ସମସ୍ତ ଗାଈ ଗୋରୁଙ୍କର ଆକସ୍ମିକ ମୃତ୍ୟୁରେ ସେମାନେ ମୁଣ୍ଡରେ ହାତଦେଇ ବସିଛନ୍ତି ।
ମାଲକାନଗିରିରୁ ପଞ୍ଚାନନ ଦାସ, ଇଟିଭି ଭାରତ
