କୋରାପୁଟ: କ୍ରୀଡ଼ା ଜଗତରେସ୍ତ କ୍ରିକେଟ ପ୍ରେମୀଙ୍କୁ ଚକିତ କରିଛି । କୋରାପୁଟ ସହର ମଧ୍ୟରେ ପୂଜାରୀପୁଟ କଲୋନୀରେ ଜନ୍ମ ଗ୍ରହଣ କରି ରାଉରକେଲାରେ ଶିକ୍ଷା ଗ୍ରହଣ କରିଥିବା ସ୍ବସ୍ତିକଙ୍କର ପିଲାଟି ଦିନରୁ କ୍ରିକେଟ ପ୍ରତି ଓଡ଼ିଆ ପୁଅ ସ୍ବସ୍ତିକ ସାମଲଙ୍କ ରହିଛି ଦୁର୍ବଳତା । ନିଜ ଜନ୍ମମାଟିକୁ ସ୍ବସ୍ତୀକ ଆସିଥିବା ବେଳେ ଭବିଷ୍ୟତ କାର୍ଯ୍ୟ ପନ୍ଥା ନେଇ ଇଟିଭି ଭାରତ ସହ କରିଛନ୍ତି ସ୍ବତନ୍ତ୍ର ଆଲେଚନା ।
2015-16 ରେ ସ୍ବସ୍ତିକ 16 ବର୍ଷରୁ କମ ଦଳରେ ସ୍ଥାନ ପାଇ ରାଜ୍ୟସ୍ତରୀୟ କ୍ରିକେଟରେ ଖେଳିବା ଆରମ୍ଭ କରିଥିଲେ । ଏହାପରେ ବିନୁମାଙ୍କଡ଼ ଟ୍ରଫି, କୁଚ ବେହେରା ଟ୍ରଫି, ସୟଦ ମୁସ୍ତାକ ଅଲ୍ଲୀ ଟ୍ରଫି, ବିଜୟ ହଜାରେ ଟ୍ରଫିରେ ଭାଗ ନେଇ ନିଜର ପରାକାଷ୍ଠା ଦେଖାଇଛନ୍ତି । ସଫଳତାର ସହ ନିଜ କ୍ରୀଡା କୌଶଳ ପ୍ରଦର୍ଶନ କରି ସ୍ବସ୍ତିକ 19 ବର୍ଷରୁ କମ ଦଳର କ୍ୟାପଟେନ ଭାବରେ ଦାୟିତ୍ବ ନେବାର ସୁଯୋଗ ପାଇଥିଲେ ।
ବର୍ତମାନ ଓଡିଶା ପାଇଁ 23 ବର୍ଷରୁ କମ ଦଳର ଅଧିନାୟକ ଭୂମିକାକୁ ବେଶ ସଫଳତାର ସହ ତୁଲାଉଛନ୍ତି ସ୍ବସ୍ତୀକ । କ୍ରମାଗତ ଭାବେ ଉନ୍ନତ ପ୍ରଦର୍ଶନ ଜାରି ରଖିଥିବାରୁ ଭବିଷ୍ୟତରେ ଜାତୀୟ ଦଳରେ ସ୍ଥାନ ପାଇବାକୁ ଆଶା ରଖିଛନ୍ତି ସେ । ବୁଧବାର କୋରାପୁଟ ନିଜ ଘରକୁ ଆସିଥିବା ସମୟରେ ଇଟିଭି ଭାରତ ସହ ସ୍ବସ୍ତିକ ସାକ୍ଷାତ କରି ତାଙ୍କ କ୍ରିକେଟ କ୍ୟାରିଅର ଓ ଓଡ଼ିଶାରେ କ୍ରିକେଟର ଉପଲବ୍ଧ ପରିବେଶ ସମ୍ପର୍କରେ କରିଛନ୍ତି ବିଶେଷ ଆଲୋଚନା ।
କୋରାପୁଟରୁ ସିଏଚ ଶାନ୍ତାକାର,ଇଟିଭି ଭାରତ
