କୋରାପୁଟ: ତିନି ଚକିଆ ଅଟୋରେ ସିଟ ବେଲ୍ଟ । କଥାଟା ବିଶ୍ବାସ ନ ହେଲେ ବି ସତ । ଯାହାକୁ ନ ଦେଖିଲେ ଗ୍ରହଣ କରିହେବ ନାହିଁ । ଏଭଳି ଏକ ଦୃଶ୍ୟ ଦେଖିବାକୁ ମିଳିଛି କୋରାପୁଟ ଜିଲ୍ଲା ଜୟପୁର ସହରରେ । ଟ୍ରାଫିକ ପୋଲିସ ଜୋରିମାନାରୁ ବଞ୍ଚିବା ପାଇଁ ନିଜ ତିନି ଚକିଆ ଅଟୋରେ ଏକ ରସିକୁ ସିଟ ବେଲ୍ଡ ଭଳି ବାନ୍ଧି ଅଟୋ ଚଳାଉଥିଲେ ଚାଳକ । ଘଟଣା ଟି ଯେତିକି ଆଶ୍ଚର୍ଯ୍ୟ, ସେତିକି କୌତୁକିଆ ମଧ୍ୟ ।
ମୋଟର ଯାନ ଆଇନ କଡାକଡି ଲାଗୁ ହେବା ଦିନ ଠାରୁ ସମସ୍ତଙ୍କୁ ଘାରିଛି ଜୋରିମାନା ଭୟ । ଏନେଇ କିଛି ଚାଳକ ନିୟମ ମାନୁଥିବା ବେଳେ ଆଉ କିଛି ଫାଇନ ଫାଙ୍କିବାରେ କୁ ଯାଇ ଆପଣାଉଛନ୍ତି ଏଭଳି ଅଜବ ଗଜବ ଉପାୟ । ଯାହା ପାଇଁ ସେମାନେ କୌତୁହଳର ବିଷୟ ହୋଇଯାଆନ୍ତି ।
କୋରାପୁଟରୁ ସିଏଚ ଶାନ୍ତାକର, ଇଟିଭି ଭାରତ
