କୋରାପୁଟ: ଜିଲ୍ଲାର 10ରୁ 16ବର୍ଷ ବୟସର କିଶୋରୀଙ୍କୁ ଦିଆଯିବ ଟିଟାନସ ଓ ଡିପଥେରିଆ ପ୍ରତିରୋଧକ ଟିଡି ଟୀକା । ଏନେଇ ଜିଲ୍ଲା ଟାସ୍କଫୋର୍ସର ସ୍ବତନ୍ତ୍ର ବୈଠକ ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ ମଧୁସୂଦନ ମିଶ୍ରଙ୍କ ଅଧ୍ୟକ୍ଷତାରେ ଏହି ବୈଠକର ଆୟୋଜିତ ହୋଇଥିଲା ।
ଭିଡିଓ ସୌଜନ୍ୟ : ସମ୍ବାଦଦାତା, କୋରାପୁଟ
ବିଦ୍ୟାଳୟରେ ପଢୁଥିବା ଓ ବିଦ୍ୟାଳୟ ବାହାରେ ରହିଯାଇଥିବା ଏହି ବୟସ ସୀମା ମଧ୍ୟର ସମସ୍ତ ପିଲାଙ୍କୁ ଏହି ଟୀକା ଯେପରି ଦିଆଯାଇପାରିବ ସେ ସଂକ୍ରାନ୍ତରେ 15 ଦିନର ଖସଡ଼ା ପ୍ରସ୍ତୁତ କରାଯାଇଥିଲା । ଆସନ୍ତା ସେପ୍ଟେମ୍ବର 1 ତାରିଖରୁ ଏହି ସ୍ବତନ୍ତ୍ର କାର୍ଯ୍ୟକ୍ରମ ଆରମ୍ଭ ହୋଇ 15 ତାରିଖ ପର୍ଯ୍ୟନ୍ତ ଚାଲିବ । ବୈଠକ ପରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଦଧିବାମନ ତ୍ରିପାଠୀ ଏନେଇ ସୂଚନା ଦେଇଛନ୍ତି ।
ଏହି ସମସ୍ତ ପ୍ରକ୍ରିୟାରେ ଜିଲ୍ଲା ପ୍ରଶାସନର ପ୍ରତ୍ୟେକ ସମ୍ବନ୍ଧିତ ବିଭାଗ ତରଫରୁ ସକ୍ରିୟ ସହଯୋଗ ଯୋଗାଇ ଦେବା ପାଇଁ ଜିଲ୍ଲାପାଳ ପ୍ରତିଶ୍ରୁତି ଦେଇଛନ୍ତି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
