କୋରାପୁଟ: ଲକ୍ଷ୍ମୀପୁର ବ୍ଲକ ପିପଳପଦର ପଞ୍ଚାୟତ ଅନ୍ତର୍ଗତ ବାଘମାରି ଗାଁର ଜଣେ ଗର୍ଭବତୀଙ୍କୁ ଭାରରେ ବୁହା ହୋଇ ନଦୀପାର କରି ଡାକ୍ତରଖାନା ନିଆଯାଇଛି । ସୂଚନାମୁତାବକ, ଲକ୍ଷ୍ମୀପୁର ବ୍ଲକ ସଦର ମହକୁମା ଠାରୁ ୧୨ କିଲୋମିଟର ଦୂରରେ ବାଘମାରି ଗାଁ । ଗାଁ ମୁଣ୍ଡରେ ଏକ ପାହାଡିଆ ନଦୀ ରହିଛି । ତେବେ ନଦୀରେ ପୋଲ ଖଣ୍ଡେ ଏଯାଏଁ ହୋଇପାରିନାହିଁ । ତେଣୁ ଆମ୍ବୁଲାନ୍ସ କିମ୍ବା ଅନ୍ୟ କୌଣସି ଗାଡି ଗାଁ ନିକଟକୁ ଯାଇପାରେ ନାହିଁ ।
ତେଣୁ ସାଧାରଣ ରୋଗୀ ଓ ଗର୍ଭବତୀ ମହିଳାଙ୍କୁ ଗ୍ରାମବାସୀ ଭାରରେ ବୋହି ନେବାକୁ ବାଧ୍ୟ ହୋଇଥାନ୍ତି ।
ଏହା ମଧ୍ୟ ପଢନ୍ତୁ:ଜୀବନ ଯୁଦ୍ଧରେ କଅଁଳ ଯୋଦ୍ଧାଙ୍କ ସଂଘର୍ଷ
ରବିବାର ଜଣେ ଗର୍ଭବତୀ ମହିଳାଙ୍କୁ ଲକ୍ଷ୍ମୀପୁର ଡାକ୍ତରଖାନାକୁ ନେଲାବେଳେ ଅନୁରୂପ ଭାବେ ଏହି 5କିଲୋମିଟର ବାଟ ଭାରରେ ବୁହା ହେଇ ଗଲାପରେ ହିଁ ଆମ୍ବୁଲାନ୍ସର ସୁବିଧା ମିଳିଥିବା ଗ୍ରାମବାସୀ ଅଭିଯୋଗ କରିଛନ୍ତି । ତେବେ ଗର୍ଭବତୀ ମହିଳାଙ୍କ ସ୍ବାସ୍ଥ୍ୟାବସ୍ଥା ଭଲଥିବା ସୂଚନା ମିଳିଛି ।
କୋରାପୁଟରୁ ସି.ଏଚ୍ ଶାନ୍ତାକାର, ଇଟିଭି ଭାରତ
