କୋରାପୁଟ: ବର୍ତ୍ତମାନ କୋରାପୁଟ ଦେଇ କୌଣସି ନୂତନ ରେଳ ଚଳାଚଳ କରିବାର ଯୋଜନା ନାହିଁ । ଗତକାଲି ଜିଲ୍ଲା ଗସ୍ତରେ ଆସି ଏଭଳି କହିଛନ୍ତି ରେଲୱେ ଡିଆରଏମ ଅନୁପ କୁମାର ଶତପଥୀ । ଏଥିସହ କୋରାପୁଟ ଅଞ୍ଚଳ ଗସ୍ତ କରି ରେଲଓ୍ବେ ସମ୍ପର୍କୀତ ଲୋକଙ୍କ ସମସ୍ୟା ଶୁଣିଥିଲେ ସେ । ତେବେ ରେଳଷ୍ଟେସନର ସମସ୍ୟାକୁ ଲୋକେ ଅଭିଯୋଗ କରିଥିବା ବେଳେ ସମସ୍ୟାର ସମାଧାନ କରାଯିବା ନେଇ କହିଥିଲେ ଅନୁପ କୁମାର ଶତପଥୀ ।
ବର୍ତ୍ତମାନ କୋରାପୁଟ ଦେଇ କୌଣସି ନୂତନ ରେଳ ଚଳାଚଳର ଯୋଜନା ନାହିଁ : ଡିଆରଏମ
ଯେଉଁ ସମସ୍ୟାର ସମାଧାନ ତାଙ୍କ କାର୍ଯ୍ୟାଳୟ ଦ୍ୱାରା ହୋଇପାରିବ ସେ ତାଙ୍କୁ ତୁରନ୍ତ ସମାଧାନ କରିବା ପାଇଁ ପ୍ରଚେଷ୍ଟା କରାଯିବା ବୋଲି କହିଥିଲେ ଏଥିସହ ଅନ୍ୟାନ୍ୟ ସମସ୍ୟା ଗୁଡିକ ସମ୍ପର୍କରେ ଉପରିସ୍ଥ ଅଧିକାରୀଙ୍କୁ ଜଣାଇ ଦିଆଯିବ ବୋଲି ସେ ସୂଚନା ଦେଇଥିଲେ ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
