କୋରାପୁଟ: ସୁସ୍ଥ ହେଲେ ପଦ୍ମଶ୍ରୀ ପୁରସ୍କାରପ୍ରାପ୍ତ କମଳା ପୁଜାରୀ । ସୁସ୍ଥ ହେବା ପରେ ଆଜି କୋରାପୁଟ ଫେରିଛନ୍ତି ପଦ୍ମଶ୍ରୀ କମଳା ପୁଜାରୀ । ଗତ କିଛିଦିନ ପୂର୍ବେ ସେ ଅସୁସ୍ଥ ହେବାରୁ ତାଙ୍କୁ ଜୟପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ଏହାପରେ ତାଙ୍କୁ ଜିଲ୍ଲା ମୂଖ୍ୟ ଚିକିତ୍ସାଳୟ ଡାକ୍ତରୀ ଟିମ୍ ଓ ଜିଲ୍ଲା ପ୍ରଶାସନର ନିଷ୍ପତ୍ତି କ୍ରମେ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା ।
ସେଠାରେ ତାଙ୍କ କିଡନୀରେ ସମସ୍ୟା ଥିବା ଜଣାପଡିଥିଲା । ଏହାପରେ ଚିକିତ୍ସା ଜାରି ରହିବା ପରେ ତିନିମାସ ପାଇଁ ଔଷଧ ଦେବାସହ ସେ ଆଜି ଜିସଚାର୍ଜ ହୋଇଥିବା କମଳା ପୁଜାରୀଙ୍କ ସହ କଟକ ଯାଇଥିବା ସ୍ବେଚ୍ଛାସେବୀ ସୂଚନା ଦେଇଛନ୍ତି । ତେବେ ବର୍ତ୍ତମାନ ସୁସ୍ଥ ଅନୁଭବ କରୁଥିବା କହିଛନ୍ତି କମଳା ପୁଜାରୀ । ପ୍ରଥମେ କମଳା ପୂଜାରୀଙ୍କୁ ଜ୍ଵର ହେବାରୁ ତାଙ୍କୁ ଜୟପୁର ସ୍ଥିତ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।