କୋରାପୁଟ: ଆଜି(ବୁଧବାର) ଓଡିଶା ମାଧ୍ୟମିକ ବୋର୍ଡ ଦ୍ୱାରା ପରିଚାଳିତ ଦଶମ ଶ୍ରେଣୀ ବୋର୍ଡ ପରୀକ୍ଷାର ଫଳାଫଳ ବାହାରିଲା । 30ଟି ଜିଲ୍ଲାର ତାଲିକାରେ ଅବିଭକ୍ତ କୋରାପୁଟ ଜିଲ୍ଲାର 4ଟି ଶେଷ 4ଟି ସ୍ଥାନ ଅକ୍ତିଆର କରିଥିବାବେଳେ କୋରାପୁଟ ଜିଲ୍ଲାର 71.74 % ପାସ ହାର ରହିଛି ।
ମାଟ୍ରିକ ରେଜଲ୍ଟ: କୋରାପୁଟ ଜିଲ୍ଲାରେ ପାସ ହାର 71.74 %
ଚଳିତ ବର୍ଷ 262ଟି ବିଦ୍ୟାଳୟର ସମୁଦାୟ 12,607 ଜଣ ଛାତ୍ରଛାତ୍ରୀ 62ଟି କେନ୍ଦ୍ରରେ ପରୀକ୍ଷା ଦେଇଥିଲାବେଳେ ସେମାନଙ୍କ ମଧ୍ୟରୁ 9044 ଜଣ କୃତକାର୍ଯ୍ୟ ହୋଇପାରିଛନ୍ତି ବୋଲି ଜିଲ୍ଲା ଶିକ୍ଷାଅଧିକାରୀ ରାମଚନ୍ଦ୍ର ନାହାକ ଜଣାଇଛନ୍ତି । ସରକାରଙ୍କ ପ୍ରତିବନ୍ଧକ ଥିବା କହି କ୍ୟାମେରା ସାମନାରେ କିଛି କହିବାକୁ ମନା କରି ଦେଇଛନ୍ତି ଜିଲ୍ଲା ଶିକ୍ଷାଅଧିକାରୀ।
କୋରାପୁଟରୁ ସିଏଚ ଶାନ୍ତାକାର. ଇଟିଭି ଭାରତ
