କୋରାପୁଟ: ଆଜିଠୁ ଆରମ୍ଭ ମାଓବାଦୀଙ୍କ ଶହୀଦ ସପ୍ତାହ । ପ୍ରଥମ ଦିନରେ ଜିଲ୍ଲାର ସେମିଳିଗୁଡା ବ୍ଲକର ବିଭିନ୍ନ ସ୍ଥାନରେ ମାଓବାଦୀଙ୍କ ବ୍ୟାନର ଲାଗିଥିବା ଦେଖାଯାଇଛି ।
ଭିଡ଼ିଓ ସୌଜନ୍ୟ: ସମ୍ବାଦଦାତା, କୋରାପୁଟ
ସେମିଳିଗୁଡା ସହର ଉପକଣ୍ଠରେ ପାକଝୋଲା ଛକ , ଦୁଧାରୀ ଓ ପେଣ୍ଡାଜାମ ପ୍ରଭୃତି ଅଂଚଳରେ ପୋଷ୍ଟର ଲଗାଇଛନ୍ତି । ଏହା ମାଧ୍ୟମରେ ନିହତ ହୋଇଥିବା ମାଓବାଦୀଙ୍କ ସ୍ମୃତିରେ ଆସନ୍ତା ମାସ ୩ ତାରିଖ ପର୍ଯ୍ୟନ୍ତ ଶହୀଦ ସପ୍ତାହ ପାଳନ କରିବା ପାଇଁ ଜନସାଧାରଣଙ୍କୁ ନିବେଦନ କରିଛନ୍ତି ।
ତେବେ ଶହୀଦ ସପ୍ତାହ ମାଅବାଦୀ ମାନେ ପାଳନ କରୁଥିବାରୁ ଜିଲ୍ଲାରେ ସୁରକ୍ଷା ବ୍ୟବସ୍ଥା କଡାକଡ଼ି ରହିଛି । ପ୍ରଥମ ଦିନର ସନ୍ଧ୍ୟା ସୁଦ୍ଧା ଜିଲ୍ଲାର କୌଣସି ଠାରେ ମଧ୍ୟ ଅଘଟଣ ଘଟିନଥିବା ଜଣାପଡିଛି ।
କୋରାପୁଟ ସି.ଏଚ୍ ଶାନ୍ତାକାର, ଇଟିଭି ଭାରତ
