କୋରାପୁୁଟ: ଜିଲ୍ଲା ପରିଷଦ ଅଧ୍ୟକ୍ଷ ଭାବେ ଶପଥ ନେଲେ ସସ୍ମିତା ମେଲେକା । ବନ୍ଧୁଗାଁ ଆସନରୁ ନିର୍ବାଚିତ ହୋଇଥିବା ସସ୍ମିତା ମେଲେକା ଆଜି(ବୁଧବାର) କୋରାପୁଟ ଜିଲ୍ଲା ପରିଷଦ ଅଧ୍ୟକ୍ଷ ଭାବେ ଶପଥ ଗ୍ରହଣ କରିଛନ୍ତି ।
କୋରାପୁଟ ସୀମା ଅଞ୍ଚଳରେ ଓଡ଼ିଆ ଭାଷାର ପ୍ରସାର ଦିଗରେ କାର୍ଯ୍ୟ କରିବି: ଜିଲ୍ଲା ପରିଷଦ ଅଧ୍ୟକ୍ଷା
ଏହି ଅବସରରେ କୋରାପୁଟ ଜିଲ୍ଲାର ଅନେକ ସମସ୍ୟା ଓ ବିଶେଷ କରି କୋଟିଆ ଠାରୁ ଆରମ୍ଭ କରି ବନ୍ଧୁଗାଁ ପର୍ଯ୍ୟନ୍ତ ଆନ୍ଧ୍ର ପ୍ରଦେଶର ଅନୁପ୍ରବେଶ ସମ୍ପର୍କିତ ସମସ୍ୟାର ସମାଧାନ ପାଇଁ କାର୍ଯ୍ୟ କରିବି ବୋଲି କହିଛନ୍ତି ସସ୍ମିତା । ଓଡ଼ିଶା-ଆନ୍ଧ୍ର ସୀମାବର୍ତ୍ତୀ ଗ୍ରାମଗୁଡିକରେ ପିଲାମାନେ କିପରି ଓଡ଼ିଆ ଭାଷାରେ ଭଲଭାବେ କଥା ହେବା ସହ ଲେଖାପଢ଼ା କରିପାରିବେ ସେ ଦିଗରେ ମଧ୍ୟ କାର୍ଯ୍ୟ କରିବେ । ଏଥିସହ ଜିଲ୍ଲାବାସୀଙ୍କୁ ସମସ୍ତ ମୌଳିକ ସୁବିଧା ଯୋଗାଇ ଦେବାକୁ ଉଦ୍ୟମ କରିବି ବୋଲି କହିଛନ୍ତି ସସ୍ମିତା ମେଲେକା ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
