କୋରାପୁଟ: ଜିଲ୍ଲା ପଞ୍ଚାୟତ ସାଧନ କେନ୍ଦ୍ର, DPRC ଠାରେ ପଞ୍ଚାୟତିରାଜ ବିଭାଗର ରାଜ୍ୟସ୍ତରୀୟ ତାଲିମ ଶିବିର ଆୟୋଜିତ ହୋଇଯାଇଛି । ଏହି ସଭାରେ ପୌରହିତ୍ୟ କରି କୋରାପୁଟ ଜିଲ୍ଲାପାଳ ଅବଦଲ ଅକ୍ତର କୋରାପୁଟ ଜିଲ୍ଲାରେ ରାଜ୍ୟସ୍ତରୀୟ ତାଲିମ ଶିବିର ଆୟୋଜନ କରିବା ପାଇଁ ବର୍ତ୍ତମାନ ସମସ୍ତ ସୁବିଧା ଯୋଗାଇ ଦେଉଥିବା DPRC ଭଳି ତାଲିମ କେନ୍ଦ୍ରକୁ ଧନ୍ୟବାଦ ଜଣାଇଛନ୍ତି ।
ଆୟୋଜିତ ଏହି ତାଲିମ ଶିବିରରେ ରାଜ୍ୟର 25 ଟି ଜିଲ୍ଲାରୁ ପଞ୍ଚାୟତିରାଜ ବିଭାଗର ବରିଷ୍ଠ ଅଧିକାରୀ ଯୋଗଦେଇ ଅନୁସୂଚିତ ଅଞ୍ଚଳରେ ପେଶା ନିୟମର କାର୍ଯ୍ୟକାରିତାକୁ ବୃଦ୍ଧି କରିବା ଓ ପଞ୍ଚାୟତିରାଜ ବ୍ୟବସ୍ଥାର ଦୃଢ଼ୀକରଣ ଉପରେ ଜ୍ଞାନ ଆହରଣ କରିଥିଲେ । ଆସନ୍ତା ଦୁଇଦିନ ଧରି ତାଲିମ ଗ୍ରହଣ କରିଥିବା ଅଧିକାରୀ କୋରାପୁଟ ଜିଲ୍ଲାର ବିଭିନ୍ନ ସ୍ଥାନକୁ ଯାଇ ପ୍ରତ୍ୟେକ୍ଷ ଜ୍ଞାନ ଅର୍ଜନ କରିବାର କାର୍ଯ୍ୟକ୍ରମ ରହିଛି । ଭୁବନେଶ୍ୱରସ୍ଥିତ SIRD ର ବରିଷ୍ଠ ତାଲିମଦାତା ଯୋଗଦେଇ କୋରାପୁଟରେ ରାଜ୍ୟସ୍ତରୀୟ ତାଲିମ ଶିବିର ବହୁଳ ଭାବେ ଆୟୋଜିତ କରାଯିବା ପାଇଁ ଜିଲ୍ଲାପାଳ ରଖିଥିବା ପ୍ରସ୍ତାବର ଯଥାର୍ଥତା ରହିଛି ବୋଲି ମତବ୍ୟକ୍ତ କରିଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
