କୋରାପୁଟ: ଶହୀଦ ଲକ୍ଷ୍ମଣ ନାୟକ ଭେଷଜ ମହାବିଦ୍ୟାଳୟ ଚିକିତ୍ସାଳୟକୁ ମିଳିଛି ରକ୍ତ ସଂଗ୍ରହ ଯାନ । ଦିନକୁ ଦିନ ଜିଲ୍ଲାରେ ସ୍ବେଚ୍ଛାକୃତ ରକ୍ତଦାନ ବଢୁଥିବାରୁ ମେଡିକାଲକୁ ଦିଆଯାଇଛି ଏହି ସ୍ବତନ୍ତ୍ର ଯାନ । ଯାହାକୁ ନେଇ ଖୁସି ବ୍ୟକ୍ତ କରିଛନ୍ତି ଲୋକେ ।
ଭ୍ରାମ୍ୟମାଣ ରକ୍ତ ସଂଗ୍ରହ ଯାନ ଆଣିଛି ନୂତନ ଆଶା
ଗତ କିଛି ବର୍ଷ ଧରି କୋରାପୁଟ ଜିଲ୍ଲାରେ ସ୍ଵେଚ୍ଛାକୃତ ରକ୍ତଦାନ ବୃଦ୍ଧି ଘଟିଥିବା ଯୋଗୁଁ ଚିକିତ୍ସାଳୟକୁ ଦିଆଯାଇଥିବା ସ୍ବତନ୍ତ୍ର ଯାନ ଏହି କ୍ଷେତ୍ରରେ ଅଧିକ ସହଯୋଗ ପ୍ରଦାନ କରିବ ବୋଲି ରକ୍ତଭଣ୍ଡାର ଅଧିକାରୀ ଡାକ୍ତର ରତିକାନ୍ତ ଖଟୁଆ କହିଛନ୍ତି ।
ଏହି ସ୍ବତନ୍ତ୍ର ଯାନ ଗାଁ ଦାଣ୍ଡ, ଯାତ୍ରା ସ୍ଥଳୀ ଭଳି ବିଭିନ୍ନ ସ୍ଥାନରେ ପହଞ୍ଚି ରକ୍ତଦାନ ଶିବିର ଆୟୋଜନ କରିବ । ଯାହା ଦ୍ବାରା ରକ୍ତଦାତାଙ୍କ ମଧ୍ୟରେ ଆଗ୍ରହ ସୃଷ୍ଟି ହେବ ବୋଲି ସେ ଆଶାପୋଷଣ କରିଛନ୍ତି ।
କୋରାପୁଟରୁ ସିଏଚ.ଶାନ୍ତାକାର, ଇଟିଭି ଭାରତ
