କୋରାପୁଟ: ଜାତୀୟ କରାଟେ ପ୍ରତିଯୋଗିତାରେ କମାଲ କରିଛି କୋରାପୁଟ (National karate competition) । କୋଲକାତାରେ ଆୟୋଜିତ 19ତମ ଜାତୀୟ କରାଟେ ପ୍ରତିଯୋଗିତାରେ ମୋଟ ୧୪ ପଦକ ହାସଲ କରିଛନ୍ତି କୋରାପୁଟ (Koraput boys won 14 medal) । ୩ଟି ସ୍ଵର୍ଣ୍ଣ ପଦକ ଜିତି ରାଜ୍ୟ ତଥା ଜିଲ୍ଲା ପାଇଁ ଗୌରବ ଆଣିଛନ୍ତି ଆକାଶ ସାଗର । ମୋଟ ୨ ହଜାରରୁ ଅଧିକ ପ୍ରତିଯୋଗୀଙ୍କ ଭିତରେ ଚମକିଛନ୍ତି କୋରାପୁରଟ ପୁଅ ଆକାଶ ସାଗର ।
ଆକାଶ ତାଲିମ ନେଉଥିବା ଅନୁଷ୍ଠାନର ଆକାଶଙ୍କୁ ମିଶାଇ ୧୧ଜଣ ଶିଶୁ କରାଟେ ଖେଳାଳି ଭାଗ ନେଇଥିଲେ । ୮ ସ୍ଵର୍ଣ୍ଣ , ୨ ରୌପ୍ୟ ଓ ୪ଟି ବ୍ରୋଞ୍ଜ ପଦକକୁ ମିଶାଇ ପ୍ରତିଯୋଗିତାରେ ୧୪ଟି ପଦକ ହାସଲ କରିଛନ୍ତି । ପଦକ ପାଇ ଆନନ୍ଦ ମନରେ କୋରାପୁଟ ଫେରି ଆସିଥିବା ଅବସରରେ ସେମାନଙ୍କୁ ତାଙ୍କ ତାଲିମ କେନ୍ଦ୍ରର ସାଥି ଖେଳାଳି, ପ୍ରଶିକ୍ଷକ , ଅଭିଭାବକଙ୍କ ସମେତ କୋରାପୁଟ ସହରର ବହୁ ମାନ୍ୟଗଣ୍ୟ ବ୍ୟକ୍ତି ଭବ୍ୟ ସମ୍ବର୍ଦ୍ଧନା ଜ୍ଞାପନ କରିଛନ୍ତି ।
ଗତ କିଛିଦିନ ତଳେ ହାଇଦ୍ରାବାଦଠାରେ ସ୍ବର୍ଣ୍ଣ ପଦକ ଓ ପରେ ଭୁବନେଶ୍ବର ଠାରେ ଆୟୋଜିତ ଜାତୀୟ କରାଟେ ପ୍ରତିଯୋଗିତାରେ ଭାଗ ନେଇଥିଲେ ଆକାଶ । ରୌପ୍ୟ ଓ ବ୍ରୋଞ୍ଜ ମେଡାଲ ହାସଲ କରି ନିଜ ପରିବାର ଗ୍ରାମ ତଥା ଜିଲ୍ଲା ପାଇଁ ଗୌରବ ଆଣିଥିଲେ ଆଠ ବର୍ଷର ଶିଶୁ ଆକାଶ ସାଗର ।
କୋରାପୁଟରୁ ସିଏଚ ଶାନ୍ତକାର,ଇଟିଭି ଭାରତ
