କୋରାପୁଟ: କିଛି ଦିନ ପୂର୍ବେ ନାଲକୋରେ ଆୟୋଜିତ ଏକ ସଭାରେ ନାଲକୋ ଦ୍ବାରା ପଟ୍ଟାଙ୍ଗି ନିକଟ ସେରୁବନ୍ଧ ଖଣି ଲିଜ ପ୍ରଦାନ ସମ୍ପର୍କରେ ପଟ୍ଟାଙ୍ଗି ବିଧାୟକ ପିତମ ପାଢ଼ୀଙ୍କ କଥିତ ରୂପେ ଦେଇଥିବା ବିବାଦୀୟ ବୟାନକୁ ନେଇ ଝଡ ଦେଖାଦେଇଥିଲା । ଏବେ ଏହି ବିବାଦକୁ ନେଇ ମୁହଁ ଖୋଲିଛନ୍ତି ବିଧାୟକ । ସାମ୍ବାଦିକ ସମ୍ମିଳନୀରେ ସ୍ପଷ୍ଟ ଭାବରେ ଖଣି ଲଢେଇରେ ଲୋକଙ୍କ ସହିତ ରହିଥିବା କଥା କହିଛନ୍ତି ।
ଖଣି ଲଢେଇରେ ଲୋକଙ୍କ ସହିତ ଅଛି, ପିତମ ପାଢ଼ୀ
ସୋମବାର ସେମିକିଗୁଡା ପ୍ରେସ କ୍ଲବରେ ଆୟୋଜିତ ସାମ୍ବାଦିକ ସମ୍ମିଳନୀରେ ବିଧାୟକ ପିତମ ପାଢ଼ୀ ନିଜ ସ୍ପଷ୍ଟୀକରଣ ଦେଇଛନ୍ତି । ନାଲକୋ ସଭାରେ ସେ କିଛି ଖବରକାଗଜରେ ନାଲକୋକୁ ଖଣି ଖନନ ପାଇଁ ପରିବେଶ ମଞ୍ଜୁରୀ ଦେବା ପାଇଁ ଲୋକେ ସମର୍ଥନ କରିଥିବା ନେଇ ପ୍ରକାଶ ପାଇଥିବା ଖବରକୁ ଆଧାର କରି ନିଜ ମନ୍ତବ୍ୟ ପ୍ରଦାନ କରିଥିଲେ ବୋଲି କହିଛନ୍ତି । ଏଥିରେ ସେ ଲୋକଙ୍କ ସହିତ ରହିଛନ୍ତି ଓ ଯଦି ଲୋକେ ଖଣି ଖନନକୁ ବିରୋଧ କରୁଛନ୍ତି ତେବେ ସେ ମଧ୍ୟ ସେମାନଙ୍କ ଭଳି ବିରୋଧ କରିବେ ବୋଲି ସ୍ପଷ୍ଟ କରିଛନ୍ତି ।
