କୋରାପୁଟ: ନାରାୟଣପାଟଣାସ୍ଥିତ ଏକ ମୋଟର ସାଇକେଲ ମରାମତି ଗ୍ୟାରେଜରେ ଲାଗିଲା ନିଆଁ । ହୁତୁ ହୁତୁ ହୋଇ ଜଳିଗଲା ୧୦ଟି ମୋଟର ସାଇକେଲ । ଖବର ପାଇ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ ।
ଗ୍ଯାରେଜରେ ନିଆଁ, ହୁତୁ ହୁତୁ ହୋଇ ଜଳିଗଲା ୧୦ ବାଇକ
ସୂଚନା ଅନୁଯାୟୀ, ଆଜି(ଗୁରୁବାର) କଳାହାଣ୍ଡି ଜିଲ୍ଲା ନାରାୟଣପାଟଣାର ଏକ ଗ୍ୟାରେଜରେ ନିଆଁ ଲାଗି ଯାଇଥିଲା । ଫଳରେ ଗ୍ୟାରେଜରେ ଥିବା ଗୋଟିଏ ପରେ ଗୋଟିଏ ୧୦ଟି ଗାଡି ଜଳିଯାଇଛି । ଏନେଇ ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପୂର୍ବରୁ ଗାଡିଗୁଡିକ ସମ୍ପୂର୍ଣ୍ଣ ଜଳିଯାଇଛି । ତେବେ ନିଆଁ ଲାଗିବାର କାରଣ ଅସ୍ପଷ୍ଟ ରହି ଥିବାବେଳେ ତଦନ୍ତ ଆରମ୍ଭ କରିଛି ପୋଲିସ ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
