କୋରାପୁଟ: ନବଦିନ ଯାତ୍ରା ସମ୍ପନ୍ନ କରି କୋରାପୁଟ ସହରର ଗ୍ରାମଦେବୀ ମା’ ମୂତ୍ୟାଲୁମା ଆଜି ସକାଳୁ ଟିକିରା ସାହିସ୍ଥିତ ନିଜ ମନ୍ଦିରକୁ ଫେରିଯାଇଛନ୍ତି । କୋରାପୁଟ ସହରର ଏକ ଅସ୍ଥାୟୀ ମଣ୍ଡପରେ ମା ମୁତ୍ୟାଲୁମାଙ୍କୁ ସ୍ଥାପନା କରି ଗତ ନଅ ଦିନ ଧରି ହର୍ଷ ଉଲ୍ଲାସର ସହ ଘଟଯାତ୍ରା ସମ୍ପନ୍ନ ହୋଇଯାଇଛି ।
ସରିଲା ମା ମୂତ୍ୟାଲୁମାଙ୍କ ଘଟଯାତ୍ରା
ଆଉ ଏକ ଉତ୍ସବମୟ ପରିବେଶରେ ଆଜି ବାତ୍ୟା ଜନିତ ପ୍ରବଳ ବର୍ଷାକୁ ଖାତିର ନକରି ପୁରୁଣା କୋରାପୁଟ ନିକଟରେ ଥିବା ବାଘ ଗୁମ୍ଫାରେ ଆଖପାଖର ୧୩ଟି ଗ୍ରାମର ହଜାର ହଜାର ଲୋକ ଏକତ୍ରିତ ହୋଇ ବାଘପାର ପର୍ବ ପାଳନ କରିଛନ୍ତି । ପ୍ରତି ତିନି ବର୍ଷରେ ଥରେ ପାଳିତ ହେଉଥିବା ଏହି ଉତ୍ସବରେ ବାଘକୁ ପୂଜା କରିବାର ପରମ୍ପରା ଥିବା ଶ୍ରଦ୍ଧାଳୁ ଜଣାଇଛନ୍ତି ।
କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ
