କୋରାପୁଟ: ତିନି ବର୍ଷ ପୂର୍ବେ ରାଜ୍ୟ ସରକାର ଜଳନିଧି ଯୋଜନା ମାଧ୍ୟମରେ ଚାଷୀଙ୍କୁ ସେମାନଙ୍କ ଜମିରେ ନଳକୂପ ଖୋଳି ଜଳ ଯୋଗାଇଦେବା ପାଇଁ ଏକ ଅଭିନବ ଘୋଷଣା କଲେ ।
ଜଳ ଅଭାବରୁ ଚାଷ ନଷ୍ଟ: ଜିଲ୍ଲାପାଳଙ୍କୁ ଦାବିପତ୍ର ଦେଲେ ଚାଷୀ
ଏହି ଘୋଷଣାରେ ଅନୁପ୍ରାଣିତ ହୋଇ କୋରାପୁଟ ଜିଲ୍ଲାର ବିଭିନ୍ନ ବ୍ଲକରେ ଆଦିବାସୀ ଚାଷୀ ପ୍ରତ୍ୟେକେ ଦଶ ହଜାର ଟଙ୍କା ଓ ଅନ୍ୟ ଚାଷୀ କୋଡ଼ିଏ ହଜାର ଟଙ୍କା ସରକାରଙ୍କୁ ପ୍ରଦାନ କରିଥିଲେ । କିନ୍ତୁ ଆଜି ପର୍ଯ୍ୟନ୍ତ ନାରାୟଣପାଟଣା ଓ ବନ୍ଧୁଗାଁ ବ୍ଲକରେ ଜଣେ ହେଲେ ଏହି ସୁବିଧା ପାଇ ପାରିନଥିବା ଚାଷୀମାନେ ଅଭିଯୋଗ କରିଛନ୍ତି ।
ଜଳ ଅଭାବରୁ ଚାଷ ନଷ୍ଟ ହୋଇଯାଇଥିବା ଚାଷୀ ଜଣାଇଛନ୍ତି । ସୋମବାର କୋରାପୁଟରେ ଜିଲ୍ଲାସ୍ତରୀୟ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଥିଲା । ଏହି ଅବସରରେ ଶହ ଶହ ଚାଷୀ ପଇସା ବାନ୍ଧିଥିବା ରସିଦକୁ ହାତରେ ଧରି ଜିଲ୍ଲାପାଳ ମଧୁସୂଦନ ମିଶ୍ରଙ୍କୁ ଏହି ସମସ୍ୟାର ସମାଧାନ କରିବା ପାଇଁ ଦାବିପତ୍ର ପ୍ରଦାନ କରିଛନ୍ତି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
