କୋରାପୁଟ: ଘରେ ଘରେ ସିପିଏମ ନାମକ ସ୍ବତନ୍ତ୍ର ଅଭିଯାନ । କୋଟିଆ ଅଞ୍ଚଳର ସମସ୍ତ ଗ୍ରାମ ଅନୁସୂଚିତ ଜାତିଙ୍କୁ ନେଇ ହୋଇଥିବା ଯୋଗୁଁ ଆଦିବାସୀମାନେ ସେହି ଅଞ୍ଚଳର ପ୍ରକୃତ ମାଲିକ । କିନ୍ତୁ ଓଡିଶା ଓ ଆନ୍ଧ୍ରପ୍ରଦେଶ ମଧ୍ୟରେ ଚାଲିଥିବା ସୀମା ବିବାଦ ଯୋଗୁଁ ସେମାନେ ପେଶି ହୋଇଯାଉଥିବା ନେଇ ସିପିଏମର ସାଲୁର ମଣ୍ଡଳମର ବରିଷ୍ଠ ସଦସ୍ୟ ଚିନ୍ତା ଯୋଗାୟା କହିଛନ୍ତି ।
ସିପିଏମର କର୍ମକର୍ତ୍ତାମାନେ କୋଟିଆ ପଞ୍ଚାୟତର ନେରେଡିବାଳାସା ଓ ତାଡ଼ିବାଲାସାରେ ଗ୍ରାମବାସୀଙ୍କ ସହ ସାକ୍ଷାତ କରିଥିଲେ । ତା'ସହ ସେହି ଅଞ୍ଚଳର ବିକାଶ କ୍ଷେତ୍ରରେ ଦୁଇ ପଡୋଶୀ ରାଜ୍ୟର ଉଦାଶୀନତାକୁ ନିନ୍ଦା ମଧ୍ୟ କରିଥିଲେ । ଓଡିଶା ଓ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ସୀମା ବିବାଦ ଭଳି ଏକ ଗୁରୁତ୍ବପୂର୍ଣ୍ଣ ବିଷୟକୁ ଅଗ୍ରାଧିକାର ନଦେବା ପରିତାପର ବିଷୟ ବୋଲି ସେ କ୍ଷୋଭ ପ୍ରକାଶ କରିଛନ୍ତି । ଏହା ସହିତ ରାଜ୍ୟ ତଥା କେନ୍ଦ୍ର ସରକାର ସେହି ଅଞ୍ଚଳ ସମସ୍ୟାର ସ୍ଥାୟୀ ସମାଧାନ ନ କଲେ ଏଠାରେ ଆନ୍ଦୋଳନକୁ ତୀବ୍ରତର କରାଯିବ ବୋଲି ଦଳ ଦୃଢୋକ୍ତି ପ୍ରକାଶ କରିଛି ।
