କୋରାପୁଟ: ପୂର୍ବ ଶତ୍ରୁତାକୁ କେନ୍ଦ୍ର କରି ଦମ୍ପତିଙ୍କୁ ହତ୍ୟା ସନ୍ଦେହ । ଘଟଣାରେ 5 ଜଣଙ୍କୁ ଗିରଫ କରିଛି ଦଶମନ୍ତପୁର ପୋଲିସ । ଦଶମନ୍ତପୁର ଥାନାଧିକାରୀ କ୍ଷୀରେଶ୍ବର ସାହୁ ଏନେଇ ସୂଚନା ଦେଇଛନ୍ତି ।
ପୂର୍ବ ଶତ୍ରୁତାକୁ କେନ୍ଦ୍ର କରି ଦମ୍ପତିଙ୍କୁ ହତ୍ୟା ସନ୍ଦେହ, 5 ଗିରଫ
ବୁଧବାର ରାତିରେ ଲୁଲା ପଞ୍ଚାୟତ ଅନ୍ତର୍ଗତ ଘାଣ୍ଟ୍ରାଗୁଡା ଗାଁର ଏକ ଦମ୍ପତିଙ୍କୁ ନିର୍ମମ ଭାବେ ହତ୍ୟା କରାଯାଇଥିଲା । ମୃତ ଦମ୍ପତି ଲଛ ମୁଦୁଲି ଓ ଟିଙ୍ଗି ମୁଦୁଲିଙ୍କ ମୃତଦେହ ବ୍ୟବଛେଦ କରାଯାଇ ତଦନ୍ତ ଆରମ୍ଭ କରାଯାଇଥିବା ଥାନାଧିକାରୀ କହିଛନ୍ତି । ଏହି ଦମ୍ପତିଙ୍କ ହତ୍ୟା ପୂର୍ବ ଶତ୍ରୁତାକୁ କେନ୍ଦ୍ର କରି ହୋଇଥିବା ସନ୍ଦେହ କରାଯାଉଥିବା ବେଳେ ଗିରଫ ହୋଇଥିବା 5 ଜଣଙ୍କୁ ଏ ନେଇ ପଚରାଉଚରା ଜାରି ରହିଛି ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
