କୋରାପୁଟ: ଗତ ପାଞ୍ଚ ମାସ ଧରି ଦରମା ନମିଳିବାରୁ ଆନ୍ଦୋଳନକୁ ଓହ୍ଲାଇଛନ୍ତି ସ୍ଥାନୀୟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲର ଠିକା କର୍ମଚାରୀ । ଏଠାରେ ସିକ୍ୟୁରିଟି ଓ ସଫେଇ କାର୍ଯ୍ୟରେ ଥିବା ପ୍ରାୟ 160 ଜଣ ଠିକା କର୍ମଚାରୀ ପାଞ୍ଚ ମାସର ବକେୟା ଦରମା ଦାବି କରିବା ସହ ଶୁକ୍ରବାରଠାରୁ ଆରମ୍ଭ କରିଛନ୍ତି କାର୍ଯ୍ୟବନ୍ଦ ଆନ୍ଦୋଳନ ।
ଏନେଇ ମେଡିକାଲ କଲେଜ ଅଧ୍ୟକ୍ଷ କୃଷ୍ଣଚନ୍ଦ୍ର ବିଶ୍ବାଳଙ୍କ କହିବା ଅନୁଯାୟୀ ଏହି କର୍ମଚାରୀଙ୍କୁ ନିଯୁକ୍ତି ଦେଇଥିବା ସଂସ୍ଥାର ଚୁକ୍ତିନାମା ଜିଲ୍ଲା ଚିକିତ୍ସାଧିକାରୀଙ୍କ ସହ ହୋଇଛି। ତେଣୁ ସେ ଏ ବିଷୟରେ ଜିଲ୍ଲା ପ୍ରଶାସନ ସହ ଆଲୋଚନା କରିଛନ୍ତି। ଅତିଶୀଘ୍ର ଏ ସମସ୍ୟାର ସମାଧାନ ହେବା ନେଇ ସେ ଆଶାବାଦୀ ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ଅନ୍ୟପଟେ ଆକାଉଣ୍ଟରେ ଦରମା ଅର୍ଥ ଜମା ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଚେତାବନୀ ଦେଇଛନ୍ତି ଆନ୍ଦୋଳନରତ ଠିକା କର୍ମଚାରୀ । ଫଳରେ ଶୋଚନୀୟ ହୋଇପଡିଛି ହସ୍ପିଟାଲ ଓ କଲେଜର ସୁରକ୍ଷା ବ୍ୟବସ୍ଥା ।
କୋରାପୁଟରୁ ସିଏଚ୍ ଶାନ୍ତାକାର, ଇଟିଭି ଭାରତ
