କୋରାପୁଟ: ଜିଲ୍ଲାର ଜୟପୁରରେ ବିରୋଧୀଙ୍କୁ ଟାର୍ଗେଟ କରି କୃଷକ ସମାବେଶ ମଞ୍ଚରୁ ନୂତନ କୃଷି ଆଇନ ସମ୍ପର୍କରେ ଲୋକଙ୍କୁ ବୁଝାଇଲେ ବିଜେପି ନେତା । ମଞ୍ଚରେ ସାଂସଦ ଜୁଏଲ ଓରାମ, ବସନ୍ତ ପଣ୍ଡା, ବିରୋଧୀ ଦଳ ନେତା ପ୍ରଦୀପ୍ତ ନାୟକ ଓ କୃଷକ ମୋର୍ଚ୍ଚା ସଭାପତି ପ୍ରଦୀପ ପୁରୋହିତ ନୂତନ କୃଷି ଆଇନ ସମ୍ପର୍କରେ ଲୋକଙ୍କୁ ବୁଝାଇବା ସହିତ ବିରୋଧୀ ଷଡଯନ୍ତ୍ର କରୁଥିବା ଅଭିଯୋଗ ବାଢ଼ିଛନ୍ତି ।
ନୂତନ କୃଷି ଆଇନ ଚାଷୀର ହିତ ପାଇଁ ଉର୍ଦ୍ଧିଷ୍ଟ । ଏହାଦ୍ବାରା ଚାଷୀର ଲାଭ ହେବ ଓ ମଣ୍ଡି ଦଲାଲ ମୁକ୍ତ ହେବ ବୋଲି ମନ୍ତବ୍ୟ ଦେଇଛନ୍ତି ଜୁଏଲ ଓରାମ । ଅନ୍ୟପଟେ ଯୁଗାନ୍ତକାରୀ ପଦକ୍ଷେପ ନେଇଥିବା ପ୍ରଧାନମନ୍ତ୍ରୀ ମୋଦି କେବେ ବି ଭୁଲ ଆଇନ ପ୍ରଣୟନ କରିବେନି ବୋଲି କହିଛନ୍ତି ପ୍ରଦୀପ ପୁରୋହିତ । ଏଥିରେ 6ଟି ଜିଲ୍ଲାର ବିଜେପି ନେତା ଓ ଚାଷୀମାନେ ଏକତ୍ରିତ ହୋଇଥିଲେ । ତେବେ ବିଜେପି ପକ୍ଷରୁ କୃଷି ଆଇନ ସମ୍ପର୍କରେ ଗାଁ ଗାଁ ବୁଲି ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରାଯିବା ନେଇ ଯୋଜନା କରାଯାଇଥିବା ପ୍ରଦୀପ୍ତ ନାୟକ ଜଣାଇଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
