କୋରାପୁଟ: ବଜ୍ରପାତରେ ଦୁଇ ମହିଳା ମୃତ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନାରାୟଣପାଟଣା ବ୍ଲକ ଅନ୍ତର୍ଗତ ଲଙ୍ଗଳବେଡା ପଞ୍ଚାୟତ ର ଚିନାକିମିଡ଼ି ଭଦ୍ରା ଗ୍ରାମରେ । ତେବେ ମୃତ ମହିଳାମାନେ ହେଲେ ମାରି ରବିଙ୍କ ସ୍ତ୍ରୀ ମାରି ରାଧା(25) ଓ ମାରି ଲକ୍ଷ୍ମୀଙ୍କ ସ୍ତ୍ରୀ ମାରି ସୁନୀତା(23) ।
ସୂଚନା ମୁତାବକ, ରବିବାର ସନ୍ଧ୍ୟା ପ୍ରାୟ 5ଟା ସମୟରେ ଦୁଇ ଯାଆ ମାରି ରାଧା ଏବଂ ମାରି ସୁନୀତା ବିଲରେ କାମ କରୁଥିବାବେଳେ ହଠାତ୍ ବଜ୍ରପାତ ହୋଇଥିଲା । ଯାହାଫଳରେ ଘଟଣାସ୍ଥଳରେ ସେମାନଙ୍କର ମୃତ୍ୟୁ ଘଟିଥିବାବେଳେ ମୃତ ରାଧାଙ୍କ ତିନି ମାସର ଶିଶୁ ପୁତ୍ର ଗୁରୁତର ହୋଇଥିବା ନେଇ ଲଙ୍ଗଳବେଡା ସରପଞ୍ଚ ପ୍ରକାଶ କରିଛନ୍ତି ।
ଏପଟେ ଗୁରୁତର ଶିଶୁକୁ ଆନ୍ଧ୍ରର ଡକିସିଲା ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ଜଣାପଡିଛି । ତେବେ ଚିନାକିମିଡ଼ି ଭଦ୍ରା ଗ୍ରାମଟି ଆନ୍ଧ୍ର ସୀମାନ୍ତରେ ଥିବାରୁ ସୋମବାର ସେମାନଙ୍କ ମର ଶରୀରକୁ ନାରାୟଣପାଟଣା ଅଣାଯାଇ ଶବ ବ୍ୟବଚ୍ଛେଦ କରାଯିବ ବୋଲି ଜଣାପଡିଛି ।
କୋରାପୁଟରୁ ସି .ଏଚ୍ ଶାନ୍ତାକାର, ଇଟିଭି ଭାରତ
