କୋରାପୁଟ: ପାଡୁଆରୁ ବିହାର ଅଭିମୁଖେ ଯାଉଥିବା ଏକ ଟ୍ରକରୁ ସେମିଳିଗୁଡା ପୋଲିସ ଗଞ୍ଜେଇ ଜବତ କରିଛି । ଟ୍ରକ ଡାଲାଟି ଖାଲି ଥିବାବେଳେ ଟ୍ରକ ମଧ୍ୟରେ ନିର୍ମିତ ଏକ ସ୍ୱତନ୍ତ୍ର ବାକ୍ସ ମଧ୍ୟରେ 1145 କିଲୋ ଗଞ୍ଜେଇ ଭର୍ତ୍ତି କରାଯାଇ ଚାଲାଣ ହେଉଥିବା ପୋଲିସ ଜଣାଇଛି ।
ଟ୍ରକ ଓ ଟ୍ରକ ସହ ଚାଲାଣକାରୀଙ୍କୁ ସାଥିରେ ନେଇଯାଉଥିବା ଏକ ଅଟୋ ରିକ୍ସା ମଧ୍ୟ ଜବତ ହୋଇଛି । ଏଥିସହିତ ଚାରିଜଣ ଅଭିଯୁକ୍ତଙ୍କୁ ଗିରଫ କରିବାରେ ପୋଲିସ ସଫଳ ହୋଇଛି । ଅଭିଯୁକ୍ତଙ୍କ ମଧ୍ୟରେ 2 ଜଣ ବିହାର ଓ ଜଣେ ଝାଡ଼ଖଣ୍ଡବାସୀ ହୋଇଥିବା ବେଳେ ଜଣେ କୋରାପୁଟ ଜିଲ୍ଲାର ପାଡୁଆ ବାସିନ୍ଦା ବୋଲି ଜଣାପଡିଛି । ପୋଲିସର ଆଖିରେ ଧୂଳିଦେବା ପାଇଁ ଟ୍ରକଟି ଦୁଇଟି ଭିନ୍ନ ଭିନ୍ନ ନମ୍ବର ବ୍ୟବହାର କରୁଥିବା ପୋଲିସ ଥାନାଧିକାରୀ ଜଣାଇଛନ୍ତି । ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ 60 ଲକ୍ଷ ଟଙ୍କା ହୋଇଥିବା ଜଣାପଡିଛି ପଡିଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
