କୋରାପୁଟ: ସେମିଳିଗିଡା ନିକଟରେ ଏକ ଟ୍ରକରୁ 101 କେଜି ଗଞ୍ଜେଇ ଜବତ । ସେମିଳିଗୁଡାରୁ ପଟ୍ଟାଙ୍ଗି ଯାଇଥିବା ଜାତୀୟ ରାଜପଥର ଘାଟଗୁଡା ଛକଠାରେ ଏକ ଟ୍ରକ ମଧ୍ୟରୁ ଏହି ଗଞ୍ଜେଇ ଜବତ କରିବା ସହ 3 ଜଣଙ୍କୁ ଗିରଫ କରିଛି ସେମିଳିଗୁଡା ପୋଲିସ ।
ଆଜି(ସୋମବାର) ଅପରାହ୍ନରେ କୋରାପୁଟ ସେମିଳିଗୁଡ଼ାରୁ ପଟ୍ଟାଙ୍ଗି ଯାଇଥିବା ଜାତୀୟ ରାଜପଥରେ ଏକ ଟ୍ରକରୁ 101 କେଜି ଗଞ୍ଜେଇ ଜବତ କରାଯାଇଛି । ଏତେ ପରିମାଣର ଗଞ୍ଜେଇ କେଉଁଠୁ କିପରି ଆସିଲା ? ସେନେଇ ପୋଲିସ ଖୋଳତାଡ କରୁଥିବା ଜଣାପଡିଛି ।
ତେବେ ଗିରଫ ତିନିଜଣଙ୍କ ମଧ୍ୟରେ ଥିବା ସନ୍ତୋଷ କୁମାର ଓ ପରିନ ପାଶବାନ ବିହାରର ହୋଇଥିବା ବେଳେ ବାସବ ଖରା ସୁନାବେଡା ନିକଟସ୍ଥ ଆରକେ ମାଳିଗୁଡା ବାସିନ୍ଦା ବୋଲି ପୋଲିସ ସୂଚନା ଦେଇଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
